كلام ابن عم حديت

هههههههه لازم أبدأ بالضحك عارف ليه لأني في حاله صعبه مووووووووت أنا نفسي مش قادره أستحملها يمكن لأني أول مره أمر بها ويمكن لأنها شديده أووووي مش كتييييييييييير ممكن يستحملوها تعرف ان دي أول مره أكتب كده من غير ما أكون محضره حاجه معينه في دماغي يعني أنا المره دي بتكلم أو بفضفض معاك شويه يمكن أستريح ويمكن انت كمان تكون في مود مش أووي فانهون علي بعض 00ماشي ولا هاضايقك بكلامي وحتي لوضايقتك مش مهم ماأحنا زي بعض الهم ورانا ورانا ومش راضي يسبنا يلا ولا يهمك هي الحياه كده وياما هاتدق ع الراس طبوووووووول فلازم نعدي ونستحمل 000, عارف انا في جوايا حب لأنسان معين بس الأنسان ده بيقول انه بيحبني بس عايز الصراحه انا مش حاسه ده او حسيته منه مره واحده بس يوم ما قالي انه بيحبني وبس غير كده ماحسيتش منه انه بيحبني مش بيعمل حاجه تخليني اتمسك به هههههههه حتي مش عارف ياخد قرار يحبني ولا لاء موارب الباب علي قلبه لا منه بيحبني ولا منه سايبني والأسم أحنا أصحاب ورغم كده مش مساعدني حتي نبقي أصحاب ههههههه ايه ده هو أنا بحكيلك ليه هو انا هابله ولا بهييس ولا ايه أقولك مش فارق والله وأدينا بندردش مع بعض علشان نتعلم من بعض 00اكملك بقي انا بعامله بصراحه علي انه حبيبي وهو مش عارف يعاملني أزاي وحصلت ظروف كده تمنعه انه يكلمني بس في حاجه انا خايفه انه مايكلمنيش خاااااااااااااااالص رغم اني عارفه ان ده هايحصل ومتأكده بس كمان اللي خايفه منه اني أطلع حبيت واحد مش قادر ياخد قرار في حياته , أنسان مش هايقدر يعمل علشاني اي شئ او يضحي علشاني ياااااااااااااااه دي هاتبقي صدمة عمري لأنه هو اول حب في حياتي يانهاااااااااااااار ابيض ده انا ممكن امووووت فيها ده انا ضحيت علشانه كتييييييير وعمري مالومته علي حاجه ياااااه وتعرف خايفه من ايه كمان خايفه اكرهه لأني لو كرهته هاكرهه علي اد حبي ليه وانا هنا بقي مبهزرش أنا عارفه نفسي كويس واد كلامي انا بحبه مقدرش انكر بس هو مش مرسيني وماكدبش عليك انا أبتديت اتعب اووووووي ياااااااااااه ده الحب ده صعب اووووووي انا كنت فاكراه اسهل من كده بكتييير بس أرجع وأقول انا اصلا مش عايشه قصة حب علشان اتكلم علي الحب أنا عامله زي اللي رقصوا علي السلم لا اللي فوق سمعوهم ولا اللي تحت شافوهم انا لا طايله سما ولا أرض ههههه لا عارفه ادي لنفسي تعريف معين ولا علاقتي به لها معني طب انت قولي تصنيف لعلاقتي به ههههههه مش هاتلاقي لا انا مني صديقه ليه ولا مني حبيبته أبقي ايه؟ هههه العجل في بطن امه مش كده والله شكلك عمال تضحك عليا وبتقول ايه البت العبيطه دي الحل قدامك وانتي اللي مش شايفاه 000طب قولي عليه هو انا صحيح عارفاه بس لو خدته مش هاقدر ارجع فيه نهائي وانا والله اد كلامي انا عارفه ان الحل اني انهي علاقتي به وابعد عنه خاااااااااااااالص بس انا برضي قلبي لخر لحظه بس يوم ما أقول هابعد 000هابعد بجد ويوم ما أقرر اني اخرج النسان ده من حياتي او بلاش دي لأني مش هاقدر انسي قصه عشتها علي الأقل من طرف واحد اللي هو انا ممكن نقول اخرج انا من حياته ساعتها مش هايكون في مجال اني حتي لو الحب ده اترجاني او بكي قدامي اني ارجع انا ساعتها هاعيش لنفسي وبس وساعتها هافكر وبس هايبقي عقلي رقم واحد في كل شئ وقلبي ده هايكون علي الشط التاني بعييييييييييييييييييييد

وده مخوفني صدقني 000شوفت ان همي كبييييييييييييييير اوووووووي وانا مش هاكدب عليك انا تعبانه اوووووووووي ومش قادره امسك ولا ورقه ولا قلم ولا عارفه اتكلم ولا عارفه اسكت ولا عارفه ابطل تفكير انت عارف انا بقيت بسكت اكتر ما بتكلم وبعامل اصحابي زفت وبالي دايما مشغووووووول انا ساعات بتوه في الشوارع ولا مذاكره ولا تركيز ولا حياه عدله 000عارف انا بس عايزه اقول حاجه 00انا بحبه اوووووووووووووي حب عمري هو بس لو فضلت كده كتييييير من غير ما هو يضحي علشاني او يرسيني علي بر انا ممكن يجرالي حاجه او يحصل حاجه انا مش هاقدر اقولها حاليا000انا تعبانه اووووووووي ياريت لو عندك حل تقولهولي لأني بجد تعبانه اووووووووووووي مش عارف اقول ايه تاني المهم انا هامشي شويه في اي حته يمكن الاقي نفسي او الاقي حل 000سلام اشوفك امس يامعلم0000