أسوأ عشرة اشياء

1. أنك تعيش قصة حب من طرف واحد والحب ده بيقتلك في اليوم الواحد الف مره0



2. الخيانه في الحب0



3. أنك تكتشف فجأه ان اللي انت عايشه ده مش حب ده مجرد وهم كبيييييييير صدقته ساعتها بتحس اد ايه الواقع مؤلم وفظيع 0



4. الندم علي عمر فات في حب فجأه راح منك بسببك وبسبب افكارك وافعالك ساعتها كلمة ياريت بتلازمك طول حياتك0



5. لما تكون انت وحبيبك قاعدين تصفوا حكايه حبكوا اللي من سنين وحبيبك يقولك اظاهر ان اللي بينا ده كان وهم انا بتمنالك السعاده مع غيري سلام يا00000



6. القسوه من حبيبك بلا داعي ومن غير سبب لمجرد انه يتلذذ انه يشوفك وهو بيقسي عليك0



7. الشك في الحب وده من اسباب قتل الحب ومووووووووت القلوب0



8. اشتيلقك انك تعيش قصة حب وفجأه تكتشف ان العمر فااااااات قبل ما تعيشها او حتي تقابل اللي انت بتحبه وبيحبك 0



9. انك تسامح وتتنازل في حبك عن كرامتك وفجاه كل ده يتقابل بجحود واهانه ملهاش مثيل 0



10. أن علاقتك بحبيبك ينقصها الأحترام او بمعني اصح تفقد أحترامها فأذا ذهب الأحترام ذهب الحب بلا رجعه0

هل احيانا تبكي مثله؟!000

هل احيانا تبكي مثله ؟! ام انك لاتبكي وتخطيت هذه المرحله وعودت قلبك علي القسوه 0 اتعرف انا احيانا ابكي مثل هذا الطفل انا لا اشبه نفسي ببرأته ولكن اظن انني ابكي علي طفولتي التي لااستطيع ان اتذكر منها ال لحظات مشوشه مجهوله لا اتذكر منها سوي اشياء غير مفهومه وغير منطقيه 00احيانا ابكي ,لأشتياقي لحضن امي الذي لم ارتمي فيه قط هذ الحضن الذي تمنيته طويلا ومازلت 00ابكي علي اشتياقي لحبيب يملكني يأسرني بحبه00حبيب ارتمي في احضانه وابكي احكي له سنين طالت في انتظاره ولوعتي في بعده عني اقص عليه عمر ضاع وانا اشتاق اليه اوصف له لحظات قضيتها في انتظاره كانت مثل اللحظات التي يمر بها السجين قبل النطق بحكم الأفراج عنه ابكي ايضا من لوعة الفراق 000فراق كل من احببت , واحيانا من خشيه الفراق وذلك من شدة حبي لحبيبي الذي لم اراه الذي اعلم انه اما سيافارقني او سأفارقه لذا ابكي 000000
فمتي تبكي انت ؟؟؟!!!!!!!!!!!!000

لغه اتعبها الكلام

ساعات كتير ببقي عايزه اقول كلام كتييييير اووووي في دماغي لكن مقدرش انطقه يمكن لأنه كلام اكبر مني بكتيييييييييير او لأني مش قادره اعبر عنه او لأنه كلام مش مفهوم حتي انا مش فاهماه او لأنه مينفعش يتقال وده لأسباب كتييير اهمها ان ممكن بل الأكيد اني هاتفهم غلط علشان كده بضطر اني اسكت ويفضل الكلام جوايا مش راضي يسكت 00بيتصارع مع عقلي ولساني نفسه يخرج للحياه وتسمعه كل ودن من اللي حواليا علي امل انه يتفهم او يتفسر او حتي مايتفهمش مش مهم بس المهم انه يخرج للحياه وكأنه طفل جنين جوه بطن امه بيصرخ عايز يخرج للحياه 00

وساعات برضوا بيبقي عقلك اخرس ووجدانك فاضي ومشاعرك ميته ومفيش جواك ولا كلمه ساعتها الصمت بيقتلني الف مره في الثانيه الواحده نفسي اتكلم اقول اي حاجه بس ياخساره مفيش كلام ,الكلام خلص مبقاش موجود ساعتها بحس اني نص ميته لأني عاجزه عن الكلام عاجزه اني حتي اسمع صوتي مش اسمعه للناس ده حتي انا مش قادره اسمعه الأحساس ده بيصاحبني كل فتره وساعات فجأه وبدون مقدمات ساعات بفسر الحاله دي اني من كتر مابسمع بسمع بسمع للناس مبقتش بعرف اتكلم الكلام خلص والحروف نسيتها انما بقي قدرتي علي السمع عاااااااااااااليه مووووت كتير بتقابلني مواقف اكون بتكلم وفجأه يسود الصمت والطرف التاني مستنيك تكمل كلامك بس خلالالالالالالالالاص مبقاش في كلام هاتقول ايه 00ساعتها تحس ان لغتك لغه اتعبها الكلام000000

الصومعه

ياتري عندك صومعه اصلا ولا انت بلا صومعه طب لو معندكش الحق دورلك علي صومعه اجار جديد لحسن بعد كده الصوامع هاتخلص ومش هاتلاقيلك حته تقعد فيها غير حجر والدتك وحتي ده مش دايم يا معلم00! الصومعه دي يامعلم عباره عن صندوق صغير انت شايل فيه نفسك وكل لما تحب تشوفها وتتكلم معاها تجري ع الصومعه وتقفل الباب عشان تختلي بها 00مش عشان تعمل حاجه عيب لاسمح الله 00لا ده عشان تشكيلها وتحكيلها وتتكلم معاها0
طب صومعتك ياتري بتحنلها ولا مش فارقه معاك 00بصراحه انا مابلاقيش نفسي غير في صومعتي اللي ع النيل 00احم احم هي مش ع النيل بس انا بوهم نفسي انها ع النيل بحن لكل ركن فيها من اول الكرسي اللي بقعد عليه وياما سرحت وفكرت ونمت عليه من كتر التفكير 00والنور الخافت اللي بموووت فيه اصل انا بحب الضلمه اوووووي بحس اني بشوف فيها اكتر من النور 00ومفيش داعي للتفسير ولا التسجيل اللي بظبطه علي نجوم اف ام علشان اسمع مزيكا تونسني وساعات تخليني تايهه في بحور الرومانسيه او شعنونه بترقص ع الفاضي والمليان مش مهم000!1 يااااااااه كنت هانسي الورقه والقلم اللي من غيرهم الصومعه ماتبقاش صومعه ويبقلهاش طعم وكمان الأفكار اللي بتونسني وساعات بتوه مني وبغلب عقبال ما الاقيها بس برضوا بحبها ولا بقي البلكونه اللي ع الشارع اللي ياما بصيت من ورا شيشها ع الليل وشكيتله من ظلم حبيبي وبعده عني ده انا ليا مع الشيش ده حكايات 00صومعتي دي رغم انها صغيره بس بحبها وبعدين هو حد لاقي المهم ان عندي صومعه صغيره بقي كبيره مش مهم 00اسيبك بقي يامعلم لاني اتأخرت علي صومعتي سلالالالالالام أشوفك امس000

أصعب شئ

ياتري ايه هو اصعب شئ ؟ ايه اللي ممكن نديله الشرف ده ونطلق عليه أصعب شئ في حياتنا ولا احنا حياتنا كلها سهله؟ ولا حياتنا كلها صعبه ؟! بس ياتري سواء كده او كده هايبقي لها طعم00؟ اكييد لاء عارف ليه يامعلم لأن الحياه لازم يكون فيها حاجات سهله ترسم البسمه علي شفايفنا وحاجات صعبه تعرفنا طعم الدنيا 00اصل المشاكل ياعزيزي هي ملح الحياه من غيرها الحياه دلعه ملهاش طعم0

بعد كل المقدمه الفيلسوفيه دي 00نرجع برضوا لنفس السؤال ايه هو اصعب شئ في حياتك؟وبلاش كدب وفشر يامعلم قشطاااااات انت هنا علي كرسي الأعتراف انت ع الهوا ياريس000ياتري 00دموعك ولا الفقر ولا الخيانه ولا الفراق ولا الوحده ولا الواقع ولا الناس ولا الحب لما يفقد معناه ويبقي شكل بلا مضمون ولا البطاله ولا حلم محبوس جواك مش قادر يشوف النور ولا قرار انت عارفه ومحدده من البدايه لكن مش قادر تصرح به يعني نقدر نقول الخوف 00ولا حضرتك تعتبر اصعب شئ في حياتك ايوه انت ايه مش مصدق يابني 2007 مفيهاش مستحيل كل شئ ممكن ؟!!!!!000

تعرف انا شايفه ان اصعب شئ ممكن تقابله في حياتك انك تكون مش عارف نفسك 00يانهار ابيض مش عارف نفسي ايوه ماتستغربش ده في ناس كده كتييييييييير مايعرفوش هما مين عايشين كده وخلاص السبت زي الحد زي الجمعه كلها ايام ربنا وبعدين هما مش بياكلوا ويشربوا والعمليه متعشيه يبقي مش مهم بقا هما مين وبتاع ايه الكلام الكبير ده ؟0

وكمان مقدرش انكر يامعلم ان العجز اصعب من اصعب شئ في الدنيا لأن في ناس عايزه تعرف نفسها ونفسها تحب ونفسها تاخد قرار بس الظروف بتعجزها 00علشان كده العجز بيقتلهم في اليوم الواحد الف مره لأن الشئ اللي بيحبوه ونفسهم يعيشوا فيه قدامهم ومش قادرين يلمسوه بأيدهم 00متهيألي ان هو ده اصعب شئ في الدنيا

علشان كده لو كان العجز رجلا لقتلته او اتجوزته مش فاااااارق كتييييييييير اهه هو بقي اللي جابه لنفسه سلالالالالالام يامعلم واشوفك امس0000

شبوره

الشتا يعني 000برد ومطر وطينه وشبوره وتكتكه وقعاد في البيت في السرير تحت الباطنيه ماتتعتعش وتشغل الباجور لو انت زي حلاتي من محدود الدخل او الدفايه او التكييف لو انت ابن عز00أو هي الباطنيه وكده كفايه بوس ايدك شعر وذقن لو انت ابن..(......),يامعلم ده في ناس مش لاقينها .

بصراحه انا مش مع الناس اللي بتحب الشتا وكده يعني اصله كسل ونوم وشوارع مطينه مابنعرفش نمشي فيها انما الصيف بقي ده حبيبي ده الحياه والخروج الواحد بيعط في اي مكان براحته 0

بس تعرف في حاجه بحبها في الشتا 00(الشبوره ) طبعا حضرتك بتضحك عليا من جواك وبتقول ايه البت العبيطه دي !!! بس استني واعرف انا بحبها ليه؟! الشبوره شكلها يسحر وانت راكب عربيتك الساعه 7 الصبح ع المحور وحواليك من ع الجانبين ميه وزرع والشبوره مغطياهم وكأنها صوره لفنان صاحب دماغ عاليه موووووووووووووووووووووت وتبص ع الشجر ونصه التحتاني متغطي بالشبوره الجامده دي تحس كأنك في عالم الأساطير اللي شوفته كتييييييير في الأفلام وسمعت عنه اكتر وخيالك ياما شطح وانت بتفكر فيه وفجأه يامعلم الشتا جابلك العالم ده لغاية عندك0

وكمان في سبب تاني علشانه بحب الشبوره 00وهو اني بحب اوي انفخ كده ع الأزاز وانفاسي تتراكم وتعمل شبوره اكتب عليها اي حاجه انا عايزاها وامسحها واعمل شبوره تانيه واكتب واكتب واكتب لغاية ما الشتا يخلص 00,بس ياتري أنفاسي هاتفضل ولا هي كمان هاتخلص 00عموما مرحبا بالشبوره الشئ الوحيد اللي بحبه في الشتا !!!!!!!0

بدايه النهايه

في حكمه بتقولك ايه00" العايط ع الفايت نقصان من العقل"000يعني مينفعش تقعد تبكي ع اللي راح وتقف وتوقف الحياه معاك ,لا عيش وكمل الحياه وخللي عندك امل اصل الحياه زي ما فيها الحلو يابني فيها الوحش وزي مابيقولوا :الحلم باهت بس بيونس000واذا كان في قصه انت كتبت حروفها من البدايه بس اكتشفت انها مش لايقه عليك 00أو مينفعش تبقي بطلها يبقي لازم زي ماكتبت البدايه تكتب النهايه "فمن أشعل النيران يطفيها " مش كده برضوا 00وماتزعلش ,صحيح القصه كان فيها مغامرات انت بتحبها اوووووووي وكان نفسك تعيشها بس للأسف الدور مش لايق عليك وهاتحس بعد كده ان انت مش انت وزي ما انت عارف ده سهل اوي يتحس والأحساس به بيوجع اوي يامعلم المهم سيب القصه تروح لصاحب نصيبها واكيييييييد هاتليق عليه ساعتها بقي هاتلاقي نفسك اللي كانت تايهه بعيييييد عنك 00مش ملاحظ انك دايما بتكتب للناس ادوارها وناسي دورك انت , عارفه ان كلامي هايزعلك بس معلش لازم انبهك 00لازم تدور ع الدور اللي يناسبك وتاخد عليه جائزه الأوسكار 00والناس تسأفلك اوووي لغاية ما اديهم تتكسر من التسأيف00صدقني ماتزعلش الدور هايجيلك هايجيلك بس انت ماتستعجلش ياما في ادوار بدل ماتعلي البني ادم بتوطيه اوووووووي وبعد مابنلعبها بنقول ياريتنا كنا قرينا الورق كويس 000وانا خايفه عليك من كلمه ياريت 00الكلمه دي صعبه عليك انا عارفاك كويس 00وبعدين ياسيدي حتي لو الدور مجاش مش مهم ده نصيبك ولازم ترضي به وبعدين القلب الخالي والبال المرتاح احسن منهم مفيش!!! والحياه لذيذه وابسط من كده ماتخنقناش بقي 00ها اقتنعت ؟ شكلك اقتنعت , طب يلا قوم وسيبك من القصه والدور اللي مش لايقين عليك دول يلا بينا نقعد ع القهوه نشربلنا كوبيتين شاي او نروح ساقية الصاوي نسمع " وجيه عزيز وعلي سلامه" وهما بيغنوا لعمنا صلاح جاهين او فؤاد حداد 000قشطااااااااات يامعلم يلا بينا وبلاها من دي قصه وكفايه عبث بقي !!!!!!0