مش عارف ليه ؟

يمكن أكون أنا أو مش أنا 00يمكن أفتكر ويمكن لا000

ساعات بفتكر حاجات وساعات انساها مش عارف ليه ؟ أو عارف بس بتعمد وبتناساها

في حاجات بتيجي في بالي ونفسي أكتبها أو أقولها لكن مقدرش أو بنساها مش عارف ليه ؟00000000

في صوره ممكن تفجر جوايا كلام كتير أووووووووي أقوي من أني حتي أتخيل أنه يجي في بالي 00وصوره تانيه أقف قدامها ساكت ونبقي أنا وهي أبناء الصمت لفتره طويله مش عارف ليه ؟

وأحيانا أنظر في الظلام فأري أشياء كثيره ومرات ثانيه أنظر في الظلام فلا أكاد أسمع أنفاسي0

أحيانا أخاف من الظلام وأحيانا أخري أشعر بأرتعاده مني ومن أرادتي0

أحيانا أبكي عندما أري ذكرياتي تمر أمام عيني من جديد 00وأخاف من أحساسي بالخوف 0

برضوا مش عارف ليه ؟

كل يوم ببتسم فيه بعشقه وبفتكره وبحفره في عقلي , وكل يوم بكيت فيه بفتكره أكثر وأكثر برضوا مش عارف ليه ؟

كل الأسئله اللي في دماغي قلبي بيقولي أن لها أجابه 00بس عقلي بيقولي خليك واقعي في اسئله متقدرش تجاوب عليها وفي اسئله أنت عارف أجابتها من البدايه فملهوش لازمه السؤال عنها لكن قلبي نفسه يرتاح 00برضوا مش عارف ليه ؟

أقولك أنا هاقوم أنام أحسن وأهه حل مؤقت بس برضوا مش عارف ليه ؟؟0000000

هل سأتذكر ؟؟؟0000000

...هل فعلا سأستطيع أم لن أملك القدره علي ذلك

عندما أفكر في الماضي أشعر بالخوف , ليس منه ولكن من محاوله التفكير فيه ..فهل أنا مستعده لها أم لا ؟ , وهل بالفعل أنا أملك ماضي لأفكر فيه ؟ وكم يبلغ عمري حتي أملك ماضي فأنا فتاه شابه في ال 20 من عمرها لاتملك سوي بعض الذكريات بعضها يبكي عيني كلما تذكرتها والبعض الأخر يرسم البسمه علي شفتي كلما رأيته يمر أمام عيني ..ولن أكذب أن قلت أن هناك بعض الذكريات لا هي بالحزينه ولا بالسعيده..لا أعلم هويتها وأيضا لا أرغب في تذكرها لذا سندعها جانبا ولن نتحدث عنها 0

أذا فهل هذه الذكريات تستحق أن أطلق عليها لفظ ماضي 000؟؟

لا أعرف ولكني كلما نظرت للوراء أشعر بالخوف هل هذا الشعور يصاحبك أنت أيضا أم لا ؟

أخشي أن يكون الماضي هو مهد الحاضر ونبؤة المستقبل 00أو أن يكون الماضي هو الجنه والمستقبل هو الجحيم المنتظر 00أتعرف كثيرا ما أحن للماضي بكل ما فيه أحن لكوني صغيره لم أكن أعرف الكثير عن ما يسمونه عالم البشر 00ولكني أيضا أعشق الحاضر وأستميت في أنتظار المستقبل 000ويظل السؤال هل سأتذكر ؟؟؟؟00000000

أمضاء :

أنا0000000000

بدون ترتيب00

عمرك فكرت تتكلم كده او تفكر في اي حاجه تيجي في بالك من غير تحضير وتخليها كده زي ماتيجي تيجي أيا كان اللي هاتتكلم فيه او ايا كان اللي هاتفكر فيه ولا بتخاف من كلامك ومن أفكارك 000يااااااااه تصدق فعلا المعليه صعبه اوووووووووي انك تكون تلقائي وبطبيعتك أو تقدر تقول عليها السهل الصعب 00انا ساعات كتير بتمني ارجع طفله الحياه في فتره الطفوله بسيطه وحلوه اووووووي هي دي المرحله اللي بتلمس فيها كل شئ بدون تفكير وبدون خوف ياااااااااااااه كنت بتبتسم وبتعيط وكل ده بدون وعي للحياه اللي جايه واللي هاتعيشها كنت طفل برئ كل حركه منك كانت انجاز وكل ابتسامه منك كانت اكتشاف يااااااااااااه انا بجد عايزه ارجع طفله 00بس تعرف اللي احلي من كده ايه ؟؟؟؟

عايز تعرف !!!!000000000000000

الأحلي انك تكون طفل من جواك وانت كبير يعني تبقي في رقه وحنان الطفل وبرائته والأجمل وده بالنسبه للبنت بالذات انها تحب راجل يكون هو ابنها وحبيبها وابوها واخوها والدنيا كلها تخيل لو هي حبته وكان ابن في سنها ياه دي هاتدلعه وهاتهنيه وتخليه اسعد راجل في الدنيا كلها 0

مش عارفه بس هو ده اللي جه في بالي افكر فيه دلوقتي 00ياتري انت كمان بتفكر في ايه دلوقتي او عايز تتكلم في ايه ؟؟؟

طب اسيبك بقي تقرر واكيد هاتقولي صح 0000

سلام واشوفك امس

أمضاء :

أنا 000000000000000000

الأخر وأنا 00000000

لقد تأكدت أنه لا يوجد ما يسمي بالحوار بيننا وبين الأخر 00وهذا لعدة تجارب , وللأسف هذه أول مره أستخدم فيها أسلوب التعميم الأعمي الذي أكرهه والذي أنصح دائما بعدم أستخدامه 00ولكن هذه المره الوضع مختلف تماما فبالفعل خرجت بهذه النتيجه أنه لايوجد مايسمي بالحوار بيننا وبين الأخر0

فكلا منا متمسك برأيه مهما كان هذا الرأي , وان كان هناك حوار فهو ليس بالحوار بل مشاجره بين طرفين أو عدة أطراف كل منهم يحاول فرض رأيه علي الأخر0

الكل تحول الي متكلم ولم يعد هناك من يسمع وينصت لك فهذا العهد قد مضي , ومن كثرة من يتحدثون أصبح الكلام عباره عن طلاسم لا تستطيع فك شيفرتها لمعرفة مضمونها 00أي تحولت المناقشه والحوار الي تضييع وقت ليس ألا0

أصبح كل حوار عباره عن شد وجذب بين الطرفين وأصبح صاحب الفكر المختلف مجنون أو معاند ليس ألا00وينفض الطرف الثاني عنه أذا احس بصحة وجهة نظره فهو يخشي الأعتراف بهزيمته , أو يمارس أسلوب التمويه وهو تغيير موضوع المناقشه هذا أن أطلقنا عليها مناقشه من الأصل0

وسامحوني أن أطلقت عليها مشاجره بدلا من مناقشه 00والمرحله الأصعب هي المشاجره بين الكبار والصغار وهذا ما يطلقون عليه " صراع الأجيال " الذي لن ينتهي ولم يحسم ولن يحسم أبدا وهو أصعب خاصه أذا كان بين الأباء والأبناء فكلا منهم يدخل المشاجره وهو مستعد للنيل من الأخر وأقناعه بتغيير وجهة نظره 000ولكن المشاجره تنتهي دون أن تحسم 0

فالأباء يرون أن أبناءهم معاندون ويريدون فرض سيطرتهم فقط وأنهم تافهون لا يعرفون شيئا ولا يرغبون ولو لمره أن ينزلوا بعقولهم لعقول أولادهم ليعرفوا ما بها وماذا يخبئون ؟؟0

أما الأبناء فهم معتقدون أنهم المستقبل وهم كذلك بالفعل ولكنهم أنانيون في نظرتهم للمستقبل فهم يلغون الكبار حتي من الحاضر 00ويتمنون أن يفهمهم الأخر ويطلق لهم العنان ليعرف أنهم صانعوا المستقبل كل من حولهم يقول لهم انتم تافهون وفشله وليس لديكم هدف أو حلم , من انتم لكي تتحدثوا ؟ ومنذ متي وأصبح لكم رأي ؟ أنتم تسمعون فقط ولا تتحدثون !!! وهذا يكفي 0

هذا هو شكل المشاجره دائما وهكذا لن تحسم أبدا ونتائجها خطيره علي كل من الطرفين0

فكلا منهم يري أنه مقهور من الأخر ولكن سامحوني أن قلت أن الأبناء مقهورين بشكل أكبر وذلك لأن الأباء هم الكبار هم من يجب أن يسعي لفهم الأبناء وليس العكس , هم من يجب أن يسعي لفهم تطلعاتهم وأحلامهم هم من يجب أن ينزل بعقله لمستوي عقول أبنا ءهم ليحدث التفاهم0

أتسأل كثيرا لماذا لاتجلس أم مع أبنتها وتأخذ رأيها في أي شئ حتي وأن كان تافه وذلك لتدربها أن يكون لها رأي في المستقبل , وهل جلس أب يوما مع أبنه ليسأله ماهي أحلامك , ما هي تطلعاتك للمستقبل وكيف تري حياتك وكيف تخطط لها ؟؟؟0

بالطبع لالالالالالالالالا ولكن المعتاد هو الأتي : ماذا سنأكل اليوم وماذا سنشرب؟ كم تريد لمصاريف تعليمك ؟ هل أنهيت أمتحاناتك أم لا؟ هل نجحت أم لا؟ هل نام الأبنا ء؟ هل تريدون شيئا أخر غير اللنشون يا أبنا ء؟

وهكذا دواليك 0000000000

سامحوني أن قلت أننا من لغي الأنسان وأرتكبنا جريمه أفظع عندما ألغينا عقله وحولناه الي مجرد معده وكائن لا يسمع لايري لا يتكلم 000ششششششششششششششششششششششش

every thing u say can and will be taken aganist u so shut up shhhhhhhhhhhhhhhhhhhhhhhh.

أشوفك أمس سلالالالالالالالالالالالالالالالالالالام

أمضاء :

أنا 00000000000000

حنظله000000

ياااااااااااااااااه اول مره شوفته فيها كنت فاكراه رسمه عاديه وكمان مكنتش اعرف ان له اسم انما لما عرفته حبيته اووووووي واكيد انت كمان لما تعرفه وتعرف مين اللي فتحله باب الحياه ولما تعرف ايه الدور اللي قام به واللي لسه بيقوم به هاتحبه اووووي00أنا ياسيدي بتكلم عن حنظله الشخصيه الكاريكتوريه اللي صنعها ناجي العلي الرسام الفلسطيني الرائع00انا لما قريت عنها حبيتها اووووي

هو طفل عنده 10سنين او هو عمره كده ومش هايكبر عن كده اسمه حنظله من المراره اللي بيعانيها كل طفل عربي وهو بيقول عن نفسه انه مش فلسطيني بيقول انه عربي وبس هو عربي ومش عايز اي جنسيه غير كده حنظله ده شخصيه رائعه ومعبره وانا حبيتها اوووووووي وهزتني كمان اووووووووووويلانه بيعبر عن كل طفل عربي ولأنه خلد شخصيه ناجي العلي بعد موته ياااااااااااااااااه وكمان حنظله معترض دايما ع الوضع العربي وعلي كل اللي ممكن يوجعني ويوجعك بجد انت هاتحبه زي ما انا حبيته ياريت تدخل ع الموقع ده وتشوف حنظله زوره ولو لمره واحده بس اتعرف عليه

www.najialali.net

ميرسي ياعسل انك استحملتني وانك هاتتعرف علي حنظله هو اكيييييييد مشتاق انه يتعرف عليك سلالالالالالالالالالالام اشوفك امس

أمضاء :

أنا 000

حاجه نسيتها !!!!0000000

بصراحه هي حاجه أنا نسيتها بس واحده صاحبتي عزيزه عليا قالتلي عليها وفكرتني بها كان في موضوع شخصيات أثرت فيا انا نزلت صور بس من غير ما أقول كل شخصيه أثرت فيا أزاي 000فهي قالتلي أكتبي نبذه كده تحت كل صوره بس للأسف مينفعش أعيد الموضوع تاني بس قولت ملحوقه انا أعمل موضوع لوحده عن ازاي كل شخصيه أثرت فيا 00000000أوك دلوقتي ممكن نبدأ0

صلاح جاهين : يااااااااااااااه ده عمنا ,البساطه الحزن المتغلف بفرح قلب كياني لما قريت شعره لما تسمعه وهو بيقول " كل يوم أسمع فلان عذبوه اسرح في العراق والجزاير وأتوه , ما عجبش من اللي يطيق بجسمه العذاب وأعجب من اللي يطيق بأيده يعذب أخوه " 00ياه ولا لما يقولك "ياعندليب قول شكوتك واحكي علي بلوتك الغنوه مش هاتموتك أنما كتم الغنا هو اللي هايموتك " 0بصراحه هو صحي جوايا حاجات كتييييييير كنت فاكره انها ماتت من زمان هو اللي خلاني اعرف اننا مش بس نسخر من زمنا ده احنا نسخر حتي من نفسنا وكل ده واحنا بنبتسم الله يرحمك ياجاهين وعجبي000

عادل امام: ده بقي الزعيم اللي يعلمك ازاي تبتسم هز فيا معاني كتير يعرفك يعني ايه نجم يعني ايه تميز وسط ناس كتير ممكن تكون متميزه صحيح بس انت ممكن تكون افضلهم يعلمك ازاي تبقي محترف في مجالك رغم كبر سنك يعلمك ازاي تصنع تاريخ له افلام كتييييير علامات في السينما والمسرح ياااااااه زعيم بجد0

باتيستا : يالهوي ده حبيبي انا بمووووووت فيه علمني الطيبه وازاي وانت في وسط بيزنس ممكن يكون كل اللي فيه بيحاولوا يوصولوا بطرق غير شرعيه انك تقول لاء انا هاوصل بمجهودي وفعلا خلال سنتين كان بطل عالم في المصارعه الحره وطيب موووووت بس بصراحه اتصدمت وبرضوا اتبسطت لما عرفت انه متجوز وعنده ३ بنات بحبك ياباتيستا ०

السندريلا سعاد حسني : امممممممم اعتقد ان السندريلا مش عايزه كلام هي اللي علمتني الرومانسيه والأنوثه وهي الدلع كله يعني يوم ماهاتعامل مع زوج المستقبل هاكون مستعده اتم الأستعداد عايزه أقوله ماتخافش بجد السندريلا جامده مووووووت انا بحبلها فيلم الزوجه الثانيه اووي وفيلم شفيقه ومتولي مع الجامد احمد زكي

محمد منير : ده بقي بصراحه انا مكنتش بحبه زماااااااان بس لما ابتديت انضف ودني شويه وابتديت اسمعه بعمق اتعلمت منه يعني ايه فن يعني ايه انك تكون خارج عن المألوف ولو مش مصدقني شوف ايه اللي كل الناس بتغنيه وايه اللي منير بيغنيه 00نصيحه مني اسمعله اغنيه " حدوته مصريه " 00وأغنيه طفي النور يابهيه 00من البومه الجديد بتاع २००७॥

ابطال فيلم أوقات فراغ : دول بقي انا بموووووووووووت فيهم اصلا وبالذات كريم قاسم اللي عامل دور عمرو هما اللي علموني او أكدولي ان الشباب قد ايه مظلومين اونهم بيعيشوا في عالم اتفرض عليهم هما صحيح كانوا بايظين وبيعملوا حاجات كتييير غلط بس فين الأهتمام اللي ممكن يعرفهم الغلط من الصح عموما هما ادوني درس جامد في الحياه ०

أنتوني بانديرز : ده نجم السينما اللي مالهوش منافس يعلمك ازاي تعيش وتتقمس الشخصيه اللي قدامك كأنها انت هو اللي علمني ازاي افكر كويس قبل ما أخوض في حاجه هو كمان اللي سقفتله اووي في فيلم المحارب الثالث عشر وقناع زورو ०

تامر حسني : علمني يعني ايه احساس 00يمكن تكون بتقول ايه البت العبيطه دي لا والله تامر حسني عمرو دياب القادم وانا اهه وانتم اهه لو اللي بقوله محصلش وبعدين مغني متميز ०

شيرين احمد : صحيح في ناس بتقول انها مغروره بس برضوا عرفتني ان النجاح له اعداؤه وانك تكون متميز ده بيسبب الم لناس كتيييييييير ०

بيكاسو : علمني الفن 00وانا عامله زيه في حاجه اني مش بنام كتير بس هو بقي عمره كان قصير لأنه مكنش بيناماصلا بس هو مبدع ०

عمرو خالد : انا بحبه اووووووووي بس بصراحه حاليا مابقتش اسمعله لأنه مابيظهرش كتييييييير بس بجد هو علامه في حياتي وبحب اسلوبه في الدعوه وكمان مشروعه صناع الحياه حرك فيا معاني كتير واداني دفعه قويه ربنا يكرمه0

فضل شاكر : علمني احب ازاي ودي كفايه ०

ميل جيبسون : علمني انك ممكن تكون محترف في اكتر من مجال في نفس الوقت علمني ازاي ادافع عن ديني بكل ما أملك حتي بفني 00هو مسيحي متعصب وبيدافع عن دينه في افلامه وهو مخرج وممثل وكان في فيلم براف هارت المخرج والممثل انا بحبه اوووووي0

جون ترافولتا: امممممم ده جان وساحر نساء كتير انا عن نفسي بمووووت فيه واتمني ان حبيبي وجوزي يكون زيه هو بقي ملك التمثيل اللي يبكيك ويخليك تبتسم في نفس اللحظه انا بحبله فيلم فاس اوف0

كريم عبد العزيز : هو علمني اني مهما الدنيا قالتلك انت غلط اعرف انك صح واللي يقولك كده ترد عليه وتقول " نحن نختلف عن الأخرون خااااااااااالص" وان المهنه بتاعتك كل ماتديها تديك ०

نيكولاس كادج: هههههههه ده بقي زي القمر وله افلام كتير بحبها فنه بصراحه رائع سقفتله كتير لما هز مشاعري في فيلم كون اير وفي فيلم فاس اوف كان شرير درجه اولي بجد يعلمك يعني ايه ابداع في الفن ०

روجدي أباظه : دونجوان السينما المصريه 00علمني ابتسم ازاي ابتسامه تسحر اللي حواليا علمني ازاي اختار اللي احبه واللي اكون ليه انا بجد بحبه اووووووووي0

أحمد حلمي : نجم الكوميديا القادم علمني اني اعرف اني طالما واثقه في حلمي هاوصل يعني هاوصل مهما طاااااااال الزمن ०

محمد صبحي : ياااه ده بقي مش عارفه اقولك ايه ولا ايه اقولك علمني ازاي احترم ذاتي واتمسك بقضيه وطني واعبر عن نفسي بقلمي واني اكون مختلفه واني اعدد مواهبي يااااااااه كتير كتير انا بحبله اووي مسلسل فارس بلا جواد ومسرحيه سكه السلامه २०००।

ايدي جاريرو : مصارع تفكيره عالي اوووي الله يرحمه بقي والله سايب فراغ كبير اووي في حياتي انا كنت بحبه اووي ومازلت كان اكبر مراوغ وبيعرف ازاي يكسب الماتش بأي طريقه كان عمره ماييأس علمني اني اخد اللي انا عايزاه من بق الأسد0

دايفيد شويمر : ده ممثل في مسلسل فريندز اكييد عارفينه هو بقي اموووووور جدا جدا ورسم الأبتسامه علي شفايفي كتير وانا اللي بيخليني ابتسم ولو مره بعشقه وبيعلم في حياتي0

الدي اكس " تريبل اتش وشون مايكل : دول علموني معني المراوغه والصداقه ياااااااه ضحكوني كتييييير وعلموني ازاي اعشق مجال ما مهما عمل فيا ومهما الناس فيه كانوا مش عايزني بس طالما انا عايزه مش مهم لازم استحمل مفيش حاجه بالساهل0

جيفارا : اكيييييييييد انت عارفه صح اولا هو وشه حلو عليا اووي ذكري عيد ميلاده كان اول يوم ينزلي حاجه في جرنال الدستور وكمان انا حبيته اوووووي لآنه علمني ان ممكن تكون مرتب انك تعيش حياه معينه وفجأه تلاقي الحياه رسمالك حاجه تانيه خاااااااالص علمني يعني ايه ثوري بغض النظر عن انه شيوعي او اي حاجه تانيه بس كان أنسان عنده هدف0

عبد الناصر جيفارا العرب: انا بقي بمووووووووت في عبد الناصر بمعني الكلمه علي فكره هو فارس احلامي او انا بتمني ان فارس احلامي يكون زيه انسان عنده هدف كان عايش علشان العروبه والوحده هو اللي رفع رأس المصريين بغض النظر عن المساوئ بتاعته عادي ما هو بشر مش ملاك بس يوم جنازته كانت السبب في حبي ليه انا شوفت الناس كلها خارجه يوم جنازته ازاي واحد كل الناس دي بتحبه انا محبهوش0

حسن نصر الله : اممممممم انا بحبه برضوا لأنه علمني أن قوه الأيمان تصنع المعجزات وعلمني ان مع الوقت والتخطيط تقدر تنول اللي بتتمناه واللي غيرك ياما قال عنه ولسه بيقول انه مستحيل0

أحمد زكي: حرباء السينما المصريه هكذا قالوا عنه 00فنان يستحق هذه الكلمه بكل ماتحملها من معاني الله يرحمه صحيح اتقال عنه كلام كتيير انه بيسكر وبتاع وكده بس في فنه كان مبدع علمني الصدق في الأحساس علمني ازاي بقدراتي ابهر كل الناس من حواليا 00بحبله فيلم السادات وجمال عبد الناصر ومعالي الوزير والمدمن ०

ستون كولد ستيف اوستن : واووووووووو ده بقي نجم علمني انه في بعض الأحيان بتضطر انك مايكونش لك صديق غير نفسك وبس وانك تكون غير كل اللي حواليك وانك تكون مع نفسك كده ومايهمكش حد وان مايكونش لك عزيز ولا غالي اذا الناس اضطروك لكده وهو علي فكره اللي حببني في المصارعه ०

محمد الشرقاوي : علم في حياتي بشكل فظيع ده شاب عادي بس قصته فظيعه تعلمك بلالالالالالالالالاوي هو تم اغتصابه في السجن ساعه هوجه المظاهرات وكفايه وبتاع وساعه موضوع القضاه تم اغتصابه في السجن وكده واتشتم واتبهدل بس لسه عنده هدف وماندمش علي اللي عمله لأنه عارف انه اللي جواه يستاهل ०

يارب يكون كلامي فيه منه فايده وتتعلموا منه حاجه او يكون اللي اتعلمته من الناس دي يعجبكوا انا بصراحه بحبهم وبتعلم منه لغايه دلوقتي

ويزيد عليهم امي اللي ربنا يخليهالي يااااااارب وصاحبتي الهام هي اصغر مني بس عفريته 00ومروه اختي الأموره ام دودي ربنا يخليهولها 00يارب يعجبكوا الموضوع وميرسي ياشيري فكرتك هايله يارب بس لما تشوفيها حقيقه تعجبك00

سلالالالالالام اشوفكم أمس ००

أمضاء :

أنا0

أحلم علي قدك

" أحلم علي قدك " أشعر بضيق عندما أسمع هذه الكلمه تتكرر كثيرا في مجتمعنا المصري , ولا أعرف لماذا أصبحت تسيطر علي تفكير العديد من الشباب مما يجعلهم غير قادرين حتي علي الحلم 0

فلماذا نضع لحلمنا سقف ونخاف أن نتعداه رغم أن الحلم هو طريقنا الوحيد لتحقيق كل ما هو مستحيل ؟0

يكفي أن تتأمل معي العديد من الأمثله العربيه التي لا تخلوا ابدا من نماذج محبطه وغير مشجعه علي الحلم , فهناك من يقول لك " كل برغوت علي قد دمه " وهناك من يصر " ان تمد لحافك علي قد رجليك " بينما ستجد من يؤكد لك " ان اللي يبص لفوق يتعب " وهي كما تري أمثال محبطه أنصحك ألا تعمل بها , والا ستظل واقفا مكانك دون نجاح أو تميز ००
لماذا لا نستبدل هذه الأمثال بحكم أخري يمكن ان تعلمنا كيف نحلم ونحلم بدون حدود ؟ فأنا مثلا تعلمت في حياتي أنه يجب ألا تقيس نفسك بما أنجزت حتي الأن , ولكن بما يجب أن تحقق مقارنه بقدراتك0

تعلمت أيضا أن الناجحين يتخذون قرارتهم بسرعه ويغيرونها ببطء , أما الفاشلون هم من يتخذونها ببطء ويغيرونها بسرعه0

ولا تنس عزيزي القارئ أن كل مانراه عظيما في الحياه بدأ بفكره ومن بدايه صغيره ०

واذا أردت أن تنجح في حياتك فيجب أن تقنع الناس أن التنافس مع الذات هو أفضل تنافس في العالم , وكما تنافس الأنسان مع نفسه كلما تطور , بحيث لا يكون اليوم كما كان بالأمس ولا يكون غدا كما كان اليوم ०

أتمني لكم أحلام بلا حدود ०

في النهايه هاقولكم مجرد كلمه : تعلمت أنه أكثر اللحظات سعاده هي عندما تحقق أشياء يقول عنها الناس أنك لا تستطيع تحقيقها ०

دي ياجماعه كلمه لمنال المهدي مديره مجله كلمتنا وعجبتني اووووووي لأني اصلا من قبل ما أقرئها وانا مؤمنه بها بس لما قريتها زاد ايماني بها واتأكدت اني اللي جوايا صح

أنا بحس او أقدر أقول اني مؤمنه ان الأحلام ملهاش سقف انت تقدر تبعد بأحلامك لبعييييييييييييييييييييييييد من غير ماتقولها انتي رايحه فين وليه وازاي ؟

انت احلامك ملهاش سقف وملهاش حدود احلم علشان تتأكد انك عايش أحلم واسعي دايما انك تحقق حلمك أحلم ده الحلم تمهيد للواقع

هههههههههههههههههه انتوا نمتوا مني ولا ايه ؟ طيب

سلالالالالالالالالالالالالالالاحف بقي واشوفكم في الحلم الجاي

أمضاء :

أنا 0

اعتذار

الموضوع ده طلب من واحده صاحبتي وكان لازم انفذهولها هو اعتذار لأنسان هي بتحبه اوووووووووووووووووووي 00هي اتسببت في زعله وهي عارفه انها غلطانه علشان كده كان لازم تعتذر قدام اكتر عدد من الناس ولو كان في امكانها انها تعمل اكتر من كده كانت عملت المهم انها بتعتذرله 0000اكيد دلوقتي عايزين تعرفوا هي بتعتذرله عن ايه ؟

هاقولكم : هو من يومين كده اللي هو يوم الجمعه يعني كان الذ يوم في حياتها معاه كانوا بيتكلموا لغايه الفجر وقالتله وحشتني وقالها وحشتيني وقالتله بحبك انت0000

my baby........

قالها الكلمه دي بتعمل فيا حاجات غريبه فرحت اووووووووووووي لأنها بتفرحه وكانت بتضحك لأنها عارفه انها بالكلمه دي بتعمل فيه حاجات كتيييييييييييير ففضلت تقولهاله كتييييييييير واليوم مر كويس اوووووي كان يوم رائع وهو بعتلها حاجات كده كانت جميله موووووووووت بس موتتها من الكسوف 000الله ايه اليوم الجميل ده 00000000

بعدها بيوم يوم السبت كانت هي اون لاين وهي كانت مستنياه وكانت بتخلص شغل 000دخل فكانت عايزه تهزر معاه وترخم فبدل ماتقوله ازيك وكده قالتله كنت فين كل ده قالها كنت هناك كانت بتضحك اووووووي مع نفسها بس قالتله ها ها ها بايخه 00شويه وحست انه مش هو اللي بيكلمها خافت الميل بتاعه يكون اتسرق فاتكلمت بطريقه وحشه وشكلها كده بهدلت الدنيا لأن شكلها اتكلمت كده مع حد هو بيحبه او معاه هو شخصيا يعني زعلته وزعلت حد هو بيحبه 00زعلت من نفسها جدا وقالت لازم اعتذر اعتذرت للي كانت بتكلمه بس تقريبا هو مكنش راضي يرد وده من حقه الموقف بايخ اوووووووووي او انه كان خرج اصلا 00هي مش عارفه تعمل ايه بس بجد هي بتقولي ان الموقف ده مكنتش تقصده

هي بس عايزه تقدم الأعتذار ده للأنسان اللي هي بتحبه

" بص ياحبيبي والله انا مكنتش اقصد اللي حصل ده انا كنت فاكره الميل بتاعك اتسرق فأضطريت اتكلم كده وبعدين انا عمري ما هاتكلم مع حد انت بتحبه اوقريب منك بطريقه وحشه هو مش اللي يضايقك يضايقني انا بس كنت فاكره الميل اتسرق وبعدين يابيبي والله مكنش قصدي انا بعتذر اهه وبقول انا اسفه بص يابيبي انا عارفه انك مش عايز تتكلم معايا تاني وانا بجد هاريحك مني هاترتاح من غيري اكييييييييييييييد بس برضوا لازم تعرف ان الموقف ده غير مقصود سلالالالالالالالام ياحبيبي "00000

الحمد لله عملت اللي عليا يارب صاحبتي تتبسط بقي اهه انا وفيت بوعدي قشطاااااااااااااااااااااات

عايزه اعرف رأيكم في الموضوع ده وايه اللي البنت ممكن تعمله تاني 000000

أمضاء :

أنا 0

لما يبقي كوكب الأرض صغير اوووووي ومش علي قدك ساعتها لازم تقرر الرحيل000

كوكبنا الجميل كوكب الأرض 00بقي زحمه اوووووووي الناس كترت مره واحده والمواصلات: المترو والأتوبيس والميكروباصات وغيره والمستشفيات والمحاكم وكل ده وبرضوا الناس لسه بتزيد 00وكأن كوكب الأرض فاضي ساعات تمشي في الشارع تحس كأنك كنت نايم 100 سنه وصحيت فجأه في عالم مش بتاعك ويبقي في سؤال واحد بيدور في بالك 00الناس دي كلها جت منين ؟

تروح اي مكان تلاقي كل الناس هناك وتفضل تقول لنفسك طب اروح فين ؟ طب اقعد في البيت بس برضوا مش هاتبقي مستكنيص اصل الوشوش هي هي زي ما انت عارف والحكايه مش طالبه زهق أقولك000قوم حضر شنطتك وحط فيها كل حاجه ممكن تحتاجلها علشان انت لازم تسيب كوكب الأرض حالا اصله خلالالالالالالاص بقي صغير اووووووووي عليك ومش مستحمل علشان كده لازم ترحل 0000بس ياتري هاتروح فين ؟؟؟0000000أقولك نروح كوكب الزهره وهما جيرنا في المجموعه الشمسيه واكيييييييييييد هايستحملونا ويمكن هناك تلاقي كل اللي ملقتهوش ع الأرض ايوه ماتستغربش !!!!00000000000000000000

يمكن تلاقي الشقه والوظيفه اللي بمرتب مغري وتلاقي الصديق الصح وتلاقيهم في مطار الزهره الجوي بيسلموا الركاب عن الوصول عروسه هديه وتلاقيها بتقولك زوجتك نفسي , وساعتها هاتبقي احلي عيشه 00لا تلوث ولا واسطه ولا محسوبيه ولا الكلام الفاضي ده 00أما بقي لو الوضع في كوكب الزهره زيالأرض او أسخم وأدل سبيلا ساعتها بقي يبقي لازم أقولك موت وخلصنا علشان ترتاح وتريحنا 0000!!!0

أمضاء :

أنا 0000

من ديوان قصائد متوحشه لنزار قباني

يقول نزار : 00000

لم أعد داريا الي أين أذهب كل يوم أحس أنك أقرب

كل يوم يصير وجهك جزءا من حياتي ويصبح العمر اخصب

قد تسربت في مسامات جلدي مثلما قطرة الماء تتسرب

أعتيادي علي غيابك صعب وأعتيادي علي حضورك أصعب

كم أنا كم أنا أحبك حتي أن نفسي من نفسها تتعجب

يسكن الشعر في حدائق عينيك فلولا عيناك لا شعر يكتب

منذ أحببتك الشموس أستدارت والسموات صرن أنقي وأرحب

منذ أحببتك البحار جميعا أصبحت من ماء عينيك تشرب

حبك البربري أكبر مني فلماذا علي ذراعيك أصلب

خطأي انني تصورت نفسي ملكا ياصديقي ليس يغلب

وتصرفت مثل طفل صغير يشتهي ان ينول أبعد كوكب

سامحني اذا تماديت في الحلم وألبستك الحرير المقصب

أتمني لو كنت بؤبؤ عيني أتراني طلبت ماليس يطلب

أخبرني من أنت ؟ أن شعوري كشعور الذي يطارد أرنب

أنت أحلي خرافه في حياتي والذي يتبع الخرافات يتعب

دي قصيده لنزار قباني انا بحبها اووووووووووووووووي يارب تعجبكوا انا بس عايزه اقول كمان انها بتلمسني اوووووووي من جوه ويارب تلمسكوا انتوا كمان ميرسي علي حسن قرائتكم سلالالالالالالالالام0

أمضاء :

أنا 0000000

سيب الحب لناسه

راجع دلوقتي 00طب بعد أيه ؟00وليه ؟ عايز مني أيه ؟ !!!000دلوقتي أفتكرتني بعد ما أنا أبتديت أنساك راجع تقولي بحبك 00طب كنت فين لما كنت أنا اللي بقولك بحبك ده أنا كنت بتمني أسمعها منك ولو مره واحده وكنت تحت اديك كانت عنيا في عنيك وكنت بعيييييييييد عني ده انت ياما أستهونت بمشاعري000جاي دلوقتي بعد ما أبتديت أعرف أعيش عايزني أمووووووووت0

أنت أيه مش حاسس كسرت فيا ايه ؟!!0000

أنا كنت بحبك وكنت بقولهالك بأنفاسي وكنت كتير بقولهالك ومكنتش بترد عليا أو ترد وتقول أفكر00ياااااه ده انت ياما جرحتني ونزلت دموع عنيا اللي ياما كانت بتجرح قلبي جاي بعد الوقت ما فات تقولي نرجع وبتقولي بحبك هههههههههه سامحني دي ابتسامه سخريه بس مش منك من زمن بيخلينا مانعرفش قيمه حاجات كتيييييييييييير غير لما بتروح مننا 000معقوله انت ترجع تاني ؟ أنا كنت بكذب نفسي وأقول مش ممكن !!00بس صحيح مبقاش في حاجه مستحيله00000

هو بيرد : " أنا عايزك وبحبك 000ياريت نرجع تاني أرجوك أنا بموووووووووت من غيرك 00أنا عرفت قيمتك وبندم عليك أرجعلي لو لسه بتحبني 00أنا عارف أنك بتحبني وأنك طيب وهاتسمحني وبتحبني 00" 0

أنا : " يااااااااااااااااااااااااااااه لسه زي ما أنت ما تغيرتش !!!00مغرور وواثق في نفسك زياده عن اللزوم وبتستهون بمشاعر الناس !!00

هههههههه جاي بعد ايه راجع دلوقتي تقولي نرجع اسف أحنا مشينا في طريق أتجاه واحد اللي يروح فيه مابيرجعش , وبتقول بتموووووت طب ماتموت ما انا مت قبلك بس خلالالالالالالاص أبتديت أعرف أعيش 00وكمان عرفت قيمتي بس ياخساره الأنسان اللي انت عرفت قيمته ماااااااات وأتولد غيره أنسان جديد مش هاتعرف تتعامل معاه0

وكمان بتندم عليا 00بعد ايه بعد ما كنت بترمي في حضنك وبتصدني00بعد ما كنت بحبك وبقولهالك دايما وأنت ولا بتحسسني بها 0

ولما انت عارف اني طيب وهاسامحك كنت بتبعد عني ليه؟00ولا هو الطيب في الزمن ده مالهوش مكان ولازم ينضحك عليه وبعدين الطيبه والمسامحه لها حدود مش في كل حاجه وسامحني انت جرحتني جرح الأطبه احتاروا فيه وكانوا بيتعجبوا ازاي أنا مستحمل00

وبعدين أنا صحيح ممكن أكون لسه بحبك بس حبي لك مايشفعش لك عندي أنا بحبك بس خلالالالالالالاص مش عايزاك الحب بينا خلالالالاص بيروح 00الحب مش طريقك وانت مش أده الحب له ناسه اللي بيعرفوا ازاي يتعاملوا معاه انصحك 00عيش بس عيش بعيييييييد عن قلبك00الحب ياعزيزي له ناسه 0

ها ها ها ها ها 000أنت تاني معقول ؟ وراجع دلوقتي ؟ طب ليه ؟ وعلشان ايه ؟

أسمحلي انا لازم أقوم عندي معاد فرصه سعيده اني قابلتك ربنا يوفقك سلالالالالالالالالالالام

ده حوار بين اتنين واحد منهم كان بيحب التاني والتاني كان جاحد بيستهون بمشاعره ولما سابوا بعض التاني الجاحد عرف قيمه اللي كان بيحبه بس بعد ايه بعد ما اللي بيحبه فااااق ورجع للحياه من تاني 000سبحان الله عجبت لك يازمن 00سلالالامم أشوفك امس ياكبير