Friday, November 23, 2007

زحمه وسط البلد تخليك تاخدها كعابي من التحرير للزمالك000وبرضوا ماتوصلش



زحمة وسط البلد في البدايه كان لها شكل معين , وكنا خلاص اتعودنا عليه 00يعني مثلا ان الميكروباصات تبقي مليانه ع الاخر وبرضوا التباع يقولك فاضي يا استاذ اركب اركب 00وده واضح اوووي في ميدان التحرير اللي بقي رمز من رموز تلاحم الشعب بكل فئاته وطبقاته 00او الاتوبيسات اللي عمرها ما تقول لاي راكب لا وده مهما كانت مليانه علي اخرها ده حتي ال سي تي ايه المكيف بقي زحمه وطبعا المترو معروف انه في اوقات معينه من اليوم بيبقي عباره عن علبه سردين متحركه وريحتها معفنه وبرضوا خدنا علي كده 0

انما بقي الزحمه بقي لها شكل تاني خاااااااااالص , يعني مثلا الميكروبازات " زي ما الناس بتقول عليها " 00اللي رايحه التحرير بتقف ساعه علشان تعدي من علي كوبري ابو الفدا لكوبري ابو العلا شوفت التقدم لدرجه انك هاتحس انك راكب مرجيحه مش مكروباص وبعد كده لازم تشمر علشان احنا داخلين علي زحمه الكورنيش والتليفزيون والاشاره قول ربع او نص ساعه بس انت ممكن تسلي نفسك بمنظر الحبيبه اللي ع الكورنيش او ارغي مع اللي جنبك وخلاص 0

وبعد ما توصل للتحرير بالسلامه اللي هو اصلا مبقاش له ملامح من كتر الناس اللي واقفه فيه لو فكرت تتمشي مش هاتعرف الناس كتير والعربيات اكتر وقال ايه بيقولوا البلد مفيهاش فلوس يابشر ده وسط البلد بقي فيها جاجور وهامر وبلاوووووي سودا اسكتوا اسكتوا

ولو طلعت في دماغك فجأه وقررت تروح الزمالك 00وتحاول توقف تاكسي اللي هو المواصله اللي تقعد فيها وتقول لنفسك اهين قرشي ولا اهين نفسي بس للاسف ولا تاكسي راضي يقف لحضرتك اللي مايردش عليك اصلا واللي يقولك لالالا مش سكتي وطبعا انت مينفعش تركب تاكسي العاصمه لان ساعدتك من معدومي الدخل فجأه قررت انك تمشي من التحرير للزمالك كعابي واهي تمشيه وخلاص بس الزحمه ع الارض اكتر بكتييييييير من زحمه المواصلات الناس بقت زي السلاحف لدرجه ان المشوار اللي ممكن ياخد ربع ساعه بتوصله في ساعتين واكتر او ممكن برضوا ما توصلش 00وبعد ما وصلت بالسلامه لارض الزمالك قولت تعدي ع الساقيه وياريتك ما فكرت تعدي عليها الكوبري واقف والناس مش طايقه بعضها والتاكسيات مش عارفه الساقيه فين اصلا طب ايه هاترجع تاني كعابي 00للتحرير لالالالالالالالا كده كتير في الوقت ده اكيد انت فكرت في اقتراح قاله واحد صاحبك قبل كده والاقتراح بيقول احنا بعد كده هانركب طياره علشان نروح التحرير والسما بقي تبقي وسيله مواصلات وطرق وكده يعني بما اننا بنركب بري ومائي نبقي كمان بنركب سماوي طب بجد ليه الاقتراح ده مايتنفزشي 00الي كل المسئولين وكل من يهمه الامر انظروا في هذا الاقتراح 00بس علي كده بقي السما هاتبقي زحمه اوووووووي ولا ايه؟؟؟؟؟؟؟؟؟؟؟0000000




أمضاء :




أسطوره

Saturday, November 10, 2007

أ أميره انا أم عبده في حبك000؟


انا التي تعالت علي الكثير من القلوب 00ورفضت قصائد من الشعر التي تأسر اقوي النساء 00انا التي حافظت علي عرش قلبها دائما ورفضت التنازل عنه رغم كل المحاولات المستميته لعزله من علي عرشه 00انا التي كانت كطرواده في قوتها وشموخها وصمودها ولكن ايضا طرواده رغم قوتها استسلمت في النهايه فها انا استسلم لحبك الذي اسرني واصبحت عبدة ذليله في حبك

ورغم اشتياقي لكوني اميرة فأنا اعشق كوني عبده في حبي لك000




أمضاء:



أسطوره0000000000000000

الطفوله هل تشتاق اليها ......؟


هل تشتاق للطفوله؟0000سواء أكانت مشرده ام لا هل تشتاق اليها 000ام تري ان طفولتك صفحه في كتاب حياتك طويتها ولا ترغب في العوده لقرائتها من جديد عن نفسي انا اشتاق لطفولتي رغم انني لا اعلم ان كانت مشرده ام بريئه احيانا تكون هكذا واحيانا اخري تكون ذاك000رغم عدم قدرتي علي تذكر كل تفاصيلها , فما اتذكره منها هو صور لاشخاص مشوشه واصوات غريبه وكلمات مبهمه وغير مفهومه واشخاص حولي يداعبونني تارة , وتارة اخري تظهر القسوه والعنف في اعينهم كل ذلك عندما اضعه امام عيني لا اري سوي شئ غير مفهوم 00فهل هذه هي طفولتي التي احلم بالعوده اليها 00ولكني اسأل نفسي كيف ارغب في العوده الي شئ اجهله ومكان بلا عنوان ولكن هناك رغبه تلح علي ان اعود الي مرحله كنت فبها افعل كل شئ ارغب فيه بلا تفكير وكنت المس كل شئ بلا خوف00كنت لا اعلم شئ عن الحقد والغيره والفشل والغربه والفراق كنت طفله بغض النظر عن الظروف المحيطه بي ولكني كنت طفله 000والان انا شابه في العشرين من عمرها ولكن في داخلها طفله لم تكبر بعد000000000



أمضاء:


أسطوره000000000

Tuesday, November 6, 2007

لوح ازاز000000000


لوح ازاز00000000


لوح ازاز مشروخ حزين

بين الرفوف مركون رزين


ساكت بيسمع صمته

وبينه وبين نفسه بيقول ويعيد


لوح ازاز00000000


بيقول لواحد جاي من بعيد

بيبصله نظره فيها اشفاق


لالا انا كنت لوح ازاز جميل

وصبري صبر جبال واتحملت سنين


لكن فجاه الحلم اتسرق مني

ومن شدة الصدمه اتشرخت


بس هايجي اليوم اللي تلاقيني فيه

واقف لوح ازاز محترم


لوح ازاز000000000


بيقول للي جارحه :

من ورا كسري شايفك

وجرحك ليا لسه نازف

ورذاذ انفاسك لسه مغطيني


لوح ازاز000000000


وسط ركنته بين الرفوف بيقول للي جارحه:

انا اهه واقف من تاني

وبطلعلك لساني

وبقولك يا فجر لو ماطلعتش

انا هاطلع واجيبك

ولازم في يوم سهمي هايصيبك


لوح ازاز00000000000000000000



أمضاء:



انا0000000000000

Thursday, November 1, 2007

الملك فاروق يثبت ان الحكام لهم دموع تتساقط00000


لا اعرف لماذا وانا اشاهد هذا المشهد الذي يجمع بين الملكه نازلي والملك فاروق والتي كان يقول لها الملك في المشهد " انتي الملكه زوجه الملك وام الملك "00 فقد كان يعاتبها علي حبها لاحمد حسنين باشا واكتشفت الملكه ان الطفل الذي كانت تعتقد انه لا يعرف شئ عن تصابيها وعلاقاتها مع الرجال ..مدرك لكل شئ منذ البدايه0

كان هذا المشهد البعد النفسي فيه كبير جدا...هنا تتبدل المشاعر من الحب للكراهيه فالملك بعد ان كان صدر امه هو الامان وبعد ان كان هو المكان الذي يستريح فيه اصبح هو مايؤرقه فقد قالها لها صريحه

انا في يوم من الايام كرهت ابويا الملك فؤاد ملك البلاد علشان ظلمك

لكنه اكتشف انه مخطئ00كلا من الملك فاروق والملكه نازلي له مبرراته التي تجعلك تقف امامها وتقول نعم انه علي صواب0000

ولكن المشهد الذي هزني بالفعل 00وجعلني اتذكر مشهد اخر ولكنه ليس مشهد في مسلسل ..هو المشهد الذي يبكي فيه الملك فاروق في سياراته بعد ان اكتشف حقيقه امه التي كان يعرفها بالفعل من قبل ان تبوح له بها00والفلاش باك هنا عن اللحظات بين الملك فاروق وامه الملكه نازلي في صغره كانت تؤلم بالفعل 00ولكن ها هي دموع الملك فاروق تتساقط , اذن فالحكام ملوك او رؤساء يبكون ..اذن فهم بشر 00فلماذا اثناء الدعايه لانتخابات الرئاسه قال الرئيس محمد حسني مبارك في لقاؤه مع عماد اديب عندما سئله هل تبكي او بكيت في يوم ما فقال الرئيس لا انا لا ابكي ابدا وقال فيما معناه انه لا يهتز 00اليس هذا بأمر مستحيل علينا نحن البشر ان نصدقه؟؟.

لماذا لم يقولها الرئيس 00" نعم يا عماد ابكي ونعم بكيت في يوم من الايام "000

صدقني كنا سنتعاطف معه كما تعاطفنا مع الملك فاروق هذه ليست دعوه مني للملكيه كما تشدقت العديد من وسائل الاعلام ولن ادافع ايضا عن الجمهوريه وثوره يوليو وعن انجازات الثوره كما فعل البعض ايضا 00ولكن هناك سؤال في اي زمن بالفعل تفضل ان تعيش الملكيه ام الجمهوريه 000؟00مع العلم ان كلا منهما له مميزاته وعيوبه فمن عاش هنا او هناك هم بشر 00000000000

واكرر في النهايه هذه ليست دعوه للملكيه ولكن دعوه لتصبح انسان له لحظات قوه ولحظات ضعف فالتاريخ الجيد يفرض نفسه ولا يحتاج لمن يدافع عنه

ولكن كن نفسك انسان كما نعرفك لكي نصدقك ونشعر بك

والي لميس جابر وحاتم علي تحياتي وتيم الحسن اقنعتني بالفعل انني اشاهد الملك فاروق ملك مصر 00 وفاء عامر الدور بالنسبه لكي منعطف تاريخي حافظي عليه000



أمضاء:


انا00000000000

Sunday, October 28, 2007

اطعم الفم تستحي العين00000


في كل مره أسمع فيها هذه العباره أحتار كثيرا 000وأظل أفكر وأفكر هل لهذا الحد الفقر يضعف ويذل صاحبه ؟00 وهل لهذا الحد نحن البشر نستغل ضعف بعضنا البعض لنصل لما نريد؟0000وهل هنا يصبح القانون " الغايه تبرر الوسيله "000اسئله كثيره تدور بداخلي واجد حولي الكثيرون ليفسرونها ويجيبون عنها بكل سهوله ويسر ليصبح العرف السائد هو افعل ما شئت لكي تصل لما تريد , اصعد السلم حتي وان كان هذا علي اكتاف من تحب 000000!

لفت انتباهي تصرفات العديد من الطلبه يوم انتخابات اتحاد الطلاب بجامعه القاهره فالكل في حاله حراك مستمر ونشاط لا يتوقف يبحثون عن من لم يدلي بصوته بكل ما في داخلهم من طاقه واصرار , وكانوا يقنعون الجميع بالشئ البديهي او الذي من المفروض ان يكون بديهي وهو ان " صوتك امانه "00000000

هؤلاء الذين يسعون بكل نشاط لنجاح عمليه الانتخابات لاتراهم ولا تعرفهم الا في هذا اليوم00" يوم الانتخابات "000, ويتوددون لك بشده والابتسامه مرسومه علي الشفاه طوال الوقت رغم انك تراهم طوال العام ولكنهم يدعون انهم لا يعرفونك وفي هذا اليوم فقط يتذكرونك 00" يوم الانتخابات"000وبعد نجاحهم بأكتساح يستمر الوضع علي ما كان عليه فهم لا يعرفونك سوي في يوم واحد وهو ذلك اليوم المشهود0

ان في هذه الانتخابات كان الكل يخلط بين الدعايه لنفسه وبين ان يتدخل ويجبر الاخرين علي التصويت وعلي ان يختار لهم من يصوتون له وذلك مع العديد من الاغراءات والكلمات التي يمكنك ان تقف صامت امامها وتترك علامه التعجب تتحدث بدلا منك000

اتعرف ماذا كنت انتظر ؟000ستضحك في داخلك ان كنت عرفت وفهمت ماذا اقصد00وان لم يصل لك فستعرفه في السطر القادم 00اقراص الفياجرا و50 جنيه لكل طالب هذا ما كان ينقص انتخابات اتحاد الطلاب في الجامعه وكأننا نفعل ما نشتكي منه وهنا لا استطيع ان اقول الا ان شباب اليوم هم من سيصنع ديكتاتوريه الغد000000

فالجامعه هي المجتمع الاصغر 000وهي التجربه للحياه الطبيعيه التي سنحياها وسنخوضها عما قريب000ولكني وجدت فيها اسوأ مما رأيته في الحياه العاديه000وكيف لي بعد ذلك ان الوم علي انتخابات مجلس الشعب والشوري وما يحدث فيها من شراء للاصوات ب 50 جنيه ويزيد وبلطجه وعنف واقراص الفياجرا وغيرها 000وانا اجد ان الصغار يفعلون ما يلومون عليه الكبار 00000


اخيرا لا يسعني الا ان اقول سوي كلمتين 000


الأولي: لا تطعم الفم حتي لا تستحي العين 000فأترك العين علي فطرتها0


والثانيه : وااااااااااااااااااااااااااااااااااااااااااه ديموقراطياااااااااااااااااااااااااااااااه




امضاء:




انا0000000000000000000

Thursday, October 25, 2007

ما أصعب الكلام


ياتري فاهم معني العنوان ولا مستغربه ولا مش فارق معاك وعايز تكمل الموضوع وخلاص 00طب خليك معايا علشان الكلام اللي جاي كبير قشطات0000 العنوان ده جزء من قصيده للشاعر الكبير احمد مطر اد ايه الشاعر ده جواه حزن كبير وجرأته في أنه يلمسك من جواك بشكل رهيب تحس انه بيتكلم عني وعنك وبيقول اللي انا وانت عايزين نقوله ومش عارفين , حاسس بك بيشوف دموع قلبك قبل دموع عنيك دموع قلبك اللي انت حابسها بين ضلوعك0

والقصيده فيها كلام له الف معني 000يعني مثلا:

ماأصعب الكلام 00كلمه هزتني اوووووي رغم اننا في بعض الآوقات بنحس ان الكلام سهل بس في لحظات ممكن تمر عليك تحس فيها اد ايه الكلام صعب وانك مش قادر تنطق او مش قادر تسمع شخص ما 000

واحمد مطر بيقولك ايه تاني ياسيدي , " لكني بيني وبيني تائه " حاسس الكلمه مش عارفه انت حسيت الأحساس اللي هو بيتكلم عنه ده ولا لاء بس لو حسيته هاتتوجع اووووووووي الأحساس ده انا عن نفسي عشته بجد مؤلم اوووووي انك تحس انك تايه بينك وبين نفسك ومش عارف انت مين وليه وفين وازاي؟000 ياااااااااه الحمد لله انه احساس وعدي 0

وبرضوا احمد مطر بيقول : " حيران بين موقفي ومضجعي "000بصراحه هو ممكن يكون يقصد معني تاني غير اللي انا وانت فهمناه بس هو كلامه يهز الواحد مننا من جواه اوووووي ياتري انت كنت زي ماهو بيقول كده في يوم من الأيام حيران بين موقف انت واخده ومصر عليه وبين انك تسيبك من كل وجع الدماغ ده وتروح تنام علي سريرك ولا انت جامد اووووي واد مواقفك وقراراتك

المهم انا عرفتك علي شاعر بجد حزنه ممكن تستمد منه الحكمه وكلامه عبر نعتبر بها طول العمر اللي زي احمد مطر عايش بأفعاله وبكلامه ياريت نكون زيه قول امييييييييييييييييييييييييييين


قشطات سلام واشوفك امس يامعلم



امضاء:



انا00000000000

Monday, October 15, 2007

Happy Birth Day


...نعم تتذكر رغم الجرح والغدر والآلم والخيانه ورغم كل شئ تتذكر هذا اليوم

بشده لدرجه انها تستغرب هذا الشعور الدفين الذي لم يتركها ولو للحظه فهذا اليوم اصبح

كالنقوش التي تقص لنا حضاره السلف فهو محفور في داخلها وكأنها كانت موجوده فيه

رغم ان هذا مستحيل فهي ولدت بعده بعام كامل ولكن هذا هو شعورها00

نعم اليوم ولد "16_10 " ولكن من هو ؟000حبيبي , حبيبك امازلتي تحبينه ؟

نعم وكيف انكر حب عمري ولكن اتعرفين انا احب الأنسان الذي كنت اعرفه اما الأنسان

الذي اكتشفته فجاه فأنا اكرهه بشده ولا ارغب حتي في ان المح عيناه او ارمشه بعيني

ولكن يوم ميلاده لا استطيع نسيانه فرغم انه كان ينساني انا شخصيا في بعض الأحيان

ولم يهتم بي ورغم انفصالي عنه وبعدي عنه وانتهاء كلمه عهد بيننا ولكني لا استطيع

نسيان يوم ميلاده وكاني كنت هناك في ذلك اليوم في انتظار خروجه للحياه واحمله علي

يدي واقبله فوق جبينه واقول له يااااااااه انت من ستصبح في يوم من الأيام كل عمري

انت من سيملكني في المستقبل انت انا 00ثم ضممته لصدري بشده وكأني اعوض كل

الأحضان التي حرمت منها في لحظه اشتياق مرت عليا كأنها الموت ذاته , ولمست رأسه

وقولت : أحبك فوق الغيم اكتبها , احبك لليل اهمس بها أحبك للبحر اشكيها0000

وأضمه ثانيا لصدري واقول: غدا اكون لك الأم والأخت والحبيبه والدنيا فهل ستصون

العهد؟؟؟000000

ورغم ضياع كل هذا وانتهاء الحلم لا استطيع النسيان كل ما كنت اتمناه ان يظل حتي

اقولها له " كل عام وانت حبيبي كل عام وانت بخير "000وأضمه لي بعيني

ولكن اقولها له عبركم فوصلوها اليه وقولوا له انني كنت هناك يوم مولده


كل سنه وانت طيب وكل سنه وانت سعيد عيد ميلاد سعيد


أمضاء:

فتاه مجرد فتاه00000000000

أغاني الشيخ إمام عيسى و أشعار أحمد فؤاد نجم

أغاني الشيخ إمام عيسى و أشعار أحمد فؤاد نجم

Thursday, October 4, 2007

أكتشاف نجم00000000




ياتري أيه اللي ممكن تحس به لما تكتشف نجم ؟؟؟0000 هههههههه لا مش نجم في السما انا أقصد نجم سينمائي ومتمكن من مهنته ومش بس كده موهوب ومحترف كمان 00تحس بأيه لما تروح اي مكان ويقولوا عنك ان الفضل يرجعلك في أكتشافه يااااااااااه شعور جميل مش كده ؟؟00000000
بس ساعات الواحد مننا بدل ما يكتشف نجم ينور السما بيكتشف نجم ينفجر في لحظه واجزاؤه تتناثر وتدمر قريه بحالها, عارف لما في لحظه تكتشف ان انسان كان وهمك انه بليد في الحساب ويطلع أستاذ محاسبه او واحد يقولك انه بيغرق في شبر ميه وتلاقيه سباح ماهر 000اهه هو ده بقي اللي انا بتكلم فيه يامعلم وهو ده النجم اللي انا اقصده ده ولا يوسف شاهين يا جدع 000الأنسان ده او النجم بقي علشان نبقي بنتكلم عنه بدقه كان بيوهمك انه الملاك البرئ الواضح الشفاف وانه مش زي غيره ههههههه بس طلع غيره هو اللي مش زيه النجم بقي دوره بيزيد واجره بيعلي يوم بعد يوم هههههههه والمشكله انه اول ما اتكبر اتكبر عليك يا معلم واول ما فكر يخون خانك انت وطعنك في ظهرك واول دور خد عليه الأوسكار لعبه علي حضرتك, بس انت طلعت اصيل اووووووووووووووي رغم كل ده وقفت وسقفتلهعلي مهارته وعلي تمثيله الجامد اوووووووووووي وقولتله " برافو " بس قولتله كمان اوعي تنسي يانجم ان انا المكتشف يعني الأضواء دي أنا اللي سلطتها عليك 0
هههههههههه علي ايدك انت النجم ده طلع السما بس انت مكنتش واخد بالك ان السلم اللي كان بيطلع عليه هو اكتافك واللي اكتر من كده انه كان بيدوس عليك بس انت فهمت التيتهوصحيت وقولتهاله " انت مهما عليت هاتنزل وكل نجم وله وقته اللي بينفجر فيه وصدقني انا مش ندمان علي اكتشافك بالعكس الخسران هو انت
لأنك مهما عليت واااااااااااااااااااااااطي000000000


أمضاء :

انا.....................

Saturday, September 29, 2007

ده اللي قدرت عليه ؟000000000


كانت له الأم التي حرم من دفئ أحضانها000والشمس التي انارت له الحياه بعد ان خيم عليها طويلا 00كانت تسمع انفاسه لتستريح 00وكلما تسببت له في ألم ولو بسيط لاتتوقف حتي ترسم البسمه علي شفتيه 00وكان الجرح منه دواء 00العالم كله يتبخر في وجوده 00والسماء تبتسم لأبتسامته , الورود كانت تغار من حبها له 000تنازلت كثيرا عن كرامتها لأجله وكانت تقول لنفسها من اجله اعيش فهو القصه التي كتبتها بيدي واعيش فيها ولها واليها0

ولكن بعد أن نسجت هذا الخيال الواهم أصطدمت بأرض الواقع المرير فمن وهمها انه المستقبل سرق منها حتي ماضيها ومن رسم لها الأمل وقدمه لها علي طبق من ذهب هو أول من سرقه منها وما زاد علي ذلك0000انه دائما يتركها لجروحها وكانه يقول لها " أذهبي بعيدا عني الم تعودي تفهمي أنني لم أعد أهواك بل أنني لم اهواك منذ البدايه فأتركيني وأرحلي "

كانت تتألم وتشكي هواها لليل فيزداد حلكه والنجوم تظل واقفه شهود علي ماتعترف به لليل وكانت تبكي بدموع قلبها قبل عيناها وأشتكت له كثيرا وكانت من كثرة بكاها بين يديه تكاد انفاسها تنتهي وهو جبل لا يهتز وما كان يقتلها أكثر هو صمته الذي لا يمكنك أن تجد له تفسير سوي أنه أنسان يمكن ان يدرس القسوه بكفاءه لا يضاهيه فيها أحد00اه من احساس بداخلك أنت تعلمه ولكنك تجهل كيف تعبر عنه وتظل تخفيه في ثناياك حتي انك عندما تحاول أن تبحث عنه لتظهره فلا تجده فقد تاه بداخلك كما تهت انت وسط بشر تحولوا لأحجار تمشي علي الأرض00000

سؤال يطرح نفسه000هل مازلنا بشر هل مازال ينبض في صدورنا قلب 00 هل هناك من يستحق أن نداوي جروحنا فقط بسماع أنفاسه او بأبتسامه منه ؟؟




أمضاء :



فتاه مجرد فتاه

Friday, September 21, 2007

هاعيش لغيرك00000


هذه رسالة من شاب ذاب في هواه حتي صار كقطعه الثلج التي أذابتها أشعة الشمس فسالت وتحولت لقطرات من المياه تشبه حبات اللؤلؤ التي تضئ عنق الفتاه التي أحبها ولكن 0000000

بعد كل هذا الحب كانت الصدمه أنه أحب فتاه لا تملك قلب بل أن ما في صدرها حجر لن يلين , ورغم دموعه تركته ولم ترحم ضعفه امامها وهو رجل كل ما يملكه هو شموخه وكبريائه وقوته التي كانت سر تميزه لذا فلنقرأ هذه الرساله من قلب عرف معني الألم علي يد ي فتاه تعيش في عصر الجبابره0000000000

" ها أنتي الأن تقرأي كلماتي 000التي تعلمتها علي يديك , يديك التي كنت أحلم أن المسها وأقبلها في يوم من الأيام ولكنهما بدلا من ان يمداني بالحنان عرفت منهما طعم القسوه والظلم , واليوم كتبت اليك لتعلمي أنني لم أعد اعرفك أو تستطيعين القول أنني كنت أعيش مع فتاه نسجتها في خيالي وأستيقظت فجأه علي واقع مؤلم 000, فتاه لاتعرف معني كلمه قلب فتاه سقطت من عصر الجبابره وجاءت لتلقنني درسا وها قد أدت المهمه 000كنت بجوارك وانتي بعيدة عني كنت المسك وكنتي في حضن غيري كانت القسوه والقهر عنوانك 000كنتي توهمينني أنك المستقبل رغم أنك ماضي مؤلم 00000

ولكن هل ستصدقينني أن قلت أنك ستعودين وتتوسلي الي ان نكمل قصتنا التي كتبتها وحدي ولكن 000مع الأسف انك حتي لم تعودي في ذاكرتي لقد نسيتك ولكني لم أنسي الدرس الذي علمتينني اياه000والأن يا فتاه عصر الجبابره سأعيش لغيرك وسأعشق وأهوي فتاة تضئ ليلي ووقتها سأنظر للوراء وأقول :


ها أنا يا فتاه عصر الجبابره ويا فتاه كانت خيال ها أنا ذا اعيش لغيرك000


أمضاء :


أنا000000000000000000

أشتاتا أشتوت0000000


أنتي محسوده يا ضنايا000شوفتي العين اللي في الفنجان دي أكييييييييد عين الوليه ام عباس0000يالهوووووي ده عمل معمولك يا ستيته000هاتي حاجه من أتره وأنا أدوخهولك000الحقني ياعم الشيخ البياض بتاع شقتي بيقع لوحده 000أشتاتا أشتوت بركاتك يا أسيادنا 0000طلباتك يا سيدنا الشيخ0000000000000000000هاتي كتكوت جاي بعد شوقه علي 5 بنات ومامته الفرخه عندها حسنه زرقا في رقابتها وابوه الديك مسافر العراق بعقد عمل وما ارجعش ولا اقولك هاتي 500 جنيه واحنا نجيب الحاجات دي ما تتعبيش نفسك انتي وبعد كده رشي علي عتبه البيت شويه ميه مبلولله وشويه ميه سقعانه وهي تبقي زي الفل0000

وخالي بالك طلبات الأسياد أوامر0000

يالهووووي دي اقل كلمه تتقال ع الحوار اللي فات ده وعلي شعار دجال لكل الف مواطن ...انت مدرك يعني ايه شعب يلغي عقله ويقعد بقي للي حسده واللي عمله عمل واللي ساحرله وكل حاجه تحصلنا يبقي ناس راميلنا عمل في الميه ولا تحت المخده ولا مش عارف فين ونبقي قاعدين بنقرا الفنجان ونشوف عين ام عباس اللي تندب فيها , والشعوب التانيه بتتقدم وحضارتها بتزيد واحنا هنا بنشبشب لبعض وبنسحر لبعض هههههههههه والنبي هم يضحك وهم يبكي00000

لا واللي يفقع مرارتك ان الدجالين مبقوش في الدرا دول بقوا عيني عينك وبقي ليهم قنوات والقنوات دي شغاله الله ينور , والموضوع ده شدني اوي لما حسين فهمي ناقشه في برنامج الناس وانا وكان في مقاطع من القنوات دي وواحد من السحره كان بيقول ايه يا معلم : اللهم كحكح مكاكح كحيح هههههههههههههه تقريبا كان بيفك عامل لواحد بيكح او عنده برد ولا ايه مش عارفه لا وايه القنوات دي الناس بتتفرج عليها وركنين عقلهم صف تاني وتقريبا عقلهم اتكلبش واتاخد مخالفه يعني مثلا يامعلم واحده بتتصل بساحر منهم وبتقوله ايه : ياشيخ وخد بالك من كلمه شيخ دي 000رجعلي حبيبي لا وايه هي قاعده في شرق أسيا واللي بتحبه في جنوب المانيا فالباشا قالها ايه بقي قالها حطي ايدك ع الميه وانا هاقري مش عارف ايه كده وهو هايرجع علي طول شوفت الجمال واحد قاعد في قاره هايجي لقاره تانيه في ثانيه فرافيرو انا جاااااااااااااااااااااااي000 طب وانتي يا اموره ياللي عايزه حبيب القلب ماتتطلبي ده من ربنا اللي احسن من الكل

هي الناس اهطلت ولا ايه ولا بقي شعارنا اللهم لا حسد 00وأكفينا شر العين , وماتبصليش بعين راضيه وشوف اللي اندفع فيا , وفردة الشبشب المقطوعه والحسنه الزارقه والكف وغيره كتيييييييييييير

أما العقول فأصحابها في راحه يامعلم العقول زينه في الفاترينا

حي حي أشتاتا أشتوت أركب وأنا أفووووت

أشتاتا أشتوت بركاتك يا شيخ شلوت


قشطه يا معلم سلام واشوفك أمس



أمضاء:


شلتوته اخت شلتوت

Wednesday, September 19, 2007

علامه تعجب !000000


في ظواهر كتيييير في حياتنا ممكن نحط قدامها ألف علامه تعجب وبنبقي بنسأل نفسنا طب ليه وأزاي وبرضوا مش بنلاقي سبب0000000

خالينا نشوف سوا أيه اللي في حياتنا ممكن يستاهل أننا نحط قدامه علامه تعجب00رغم ان حياتنا نفسها بقيت علامه تعجب في حد ذاتها000

الخيانه : شئ ممكن نحط قدامه مليون علامه تعجب سواء انك تخون صديق بدون سبب أو حبيب وتتسبب في كسر قلبه أو تخون وطنك لمجرد وجود أغراءات من وطن تاني ولمجرد بس أنك تعبان شويه في بلدك 000ياسيدي وهو مين فينا مش بيبقي طهقان أحيانا من أمه بس وقت الشده بيترمي في حضنها فالوطن زي الأم تلعنه ساعات بس حضنه هو الأمان0

الأهمال والتخريب :وده بقي مشكله 00ساعات بسأل نفسي ليه المصريين بيخربوا بلدهم بأيديهم ؟ ليه بيرموا الزباله في الشارع , وممكن تشوف شخص راكب عربيه محترمه مووووووووت وبيرمي الزباله والمناديل من شباك العربيه طب ليه ؟000 وممكن عماره كلها مهندسين ودكاتره ومنورها يبقي كله زباله ودي بقي اللي بيسموها ثقافه التخلف وتسأل نفسك ليه ماتلاقيش أجابه000

رغيف العيش : لما تسأل نفسك ليه ثمنه بيزيد رغم انه هو الحاجه الوحيده اللي يقدر يشتريها معدوم الدخل بقلب جامد يعني هو اكله الغلابه من الأخر 000ليه سعره بيزيد وكمان حجمه ووزنه بيقلوا 000؟ سؤال يطرح نفسه 0

الدراسه : ليه كل اللي درسته في ابتدائي واعدادي وثانوي مش فاكر منه غير ان غاز الأكسجين لا يشتعل ولكنه يساعد علي الأشتعال وان الأرض كرويه يعني حاجات تافهه حتي في الكليه بتخرج من الأمتحان ناسي كل حاجه عن الماده وكأنك اول مره تشوفها اصلا ؟

رمضان : ليه رمضان هو الزحمه ؟000كل سنه وانت طيب الأول 00وليه الناس فيه بتبقي مخنوقه وقافشه اوووووووووووي علي بعضها وممكن تقتل بعض علشان تروح وتاكل وكأن الأكل هايطير 000وليه أحنا بدل ما نخس وزننا بيزيد في رمضان وليه احنا في اول رمضان شيوخ وفي اخره حاجه تانيه خاااااااااالص بنستعد للعيد بقي كل سنه وانت طيب 00000000

عارف لو مش مصدق كلامي انزل ميدان التحرير واتفرج ع الناس هي دي بقي معالم مصر السياحيه في رمضان 00ولو لسه مش مصدقني انزل المسجد بعد الفطار علشان تصلي التراويح وانت هاتشوف اللي عمرك ما شوفته لا وايه علي عينك يا تاجر


وخليك فاكر يا معلم انا مش بعمم اوك قشطات اشوفك أمس يا معلم ورغم كل ده كل سنه وانت طيب


أمضاء :



أنا0000000000000000

Saturday, September 15, 2007

اللي بدأ شئ مش لازم يكمله000000


اممممممممممم أكيد دلوقتي بتقول لنفسك هي غلطت في العنوان بس أصدمك وأقولك لاء..العنوان صح جدا .

مره كنت قاعده قدام التليفزيون وظهرت مذيعه ولقتها فجاه بتقول اللي بدأ شئ لازم يكمله وفي نفس اللحظه كنت بفكر في موضوع يخصني بس مش لازم نذكره فلاقتني بقولها لالالالالالالالالا اللي بدأ شئ مش لازم يكمله 000000000

عارف انا ليه قولت كده يمكن يكون علشان مواضيع وعلاقات كتيييير شوفتها قدام عنيا أو يمكن اكون عشتها ومريت بها بنفسي واكتشفت ان انا وغيري مكنش المفروض نكمل0

تعرف ان افكاري اتشتت فجأه وانا بتكلم معاك حستها راحت للموضوع اللي بدأته ومكنش المفروض أكمله 00000

طب وانت روحت مني فين ؟........للموضوع اللي بدأته ومكنش المفروض تكمله ......؟

في مواضيع كتيييييييير بيبقي في علامات من البدايه بتقولنا بلاش نكملها وانت بتبقي عارفها وشايفها بس بتتغاضي عنها وبتمسك في اي امل يخليك تكمل لكن بعد ما بتتألم ونتوجع اوووووووووي بتقول لنفسك انا أزاي كملت أزاي استمريت انا ازااااااااي أستحملت مكنش المفروض أكمل .....شوفت بقي ان ساعات اللي بدأ شئ مش لازم يكمله وكذبت المذيعه اذ قالت " اللي بدأ شئ لازم يكمله "..............!.


سلام يا معلم واشوفك امس


أمضاء :



انا0000000000000

Friday, September 14, 2007

كوباية ميه لو سمحت000


كل سنه وانت طيب ويعود عليك الأيام بخير 0000رمضان كريم يا معلم وحلو يا حلو

أنا المره دي بكتب من غير تحضير للموضوع , يعني قولت أسترسل والكلام يطلع زي ما يطلع 000بصراحه كده ومن غير رغي كتير انا هاتكلم عن حاجات ممكن تكون بتضايقك وبتضايقني في الشهر المفترج ده00يعني مثلا :

أمبارح كان أول يوم رمضان وبدأ الزحام بقي ع الأكل والشرب والكنافه والقطايف واللذي منه ورغم اننا المفروض نخس لأننا بنصوم لا الناس وزنها بيزيد الضعف , ولا المساجد بقي وصلاة التراويح دي حاجه تانيه خااااالص وبالذات صلاة الستات بتبقي حاجه عجيبه كل واحده ست عندها طفل صغير لازم تجيبه الجامع وساعات كان بيبقي في رضع اه والله العظيم وبيتنحروا من العياط طول الصلاه وستات كبيره ومش قادره بيجوا ومنهم بينام او بيفضل قاعد ع الكرسي مش ع الأرض من التعب ولا الميه بقي ياااااااااااه كل واحده جايه كأنها واكله فسيخ عايزين يشربوا وبيتخانقوا 00وفي سنين فاتت كانوا بيتكلموا ومابيسمعوش الدرس اللي بين الصلاه وطبعا مش كلهم 000ولا ليله القدر ههههههههه في ناس بتبقي جايه بمطبخ متحرك لانشون وجبنه وزبادي وبتنجان مخلل وطرشي وعيش وغيره كتييييييييييييييييييييييييييييييييييير0

واول رمضان الجوامع مليانه ستات واخر رمضان الستات بتبات في الطوابين اه اصلهم بيعملوا الكحك عقبال عندك كل سنه وانت طيب 0000000

أما بقي الشحاتين فبيبدأوا يرتبوا حياتهم قبل رمضان بيوم هههههههه وكأن مصر كلها شحاتين 000أما المواصلات فدي كوم تاني خااااااااااااااالص المترو ده مقبره وممكن تفطس واذا كان عجبك , والتحرير او ميدان التحرير بمعني اصح دماااااااااااااااار شامل لازم تقف من الساع 12 الظهر والا مش هاتروح غير بعد الفطار وشمر هدومك بقي واستعد للمعركه ولو معاك عربيه خد معاك ميه واكل علشان احتمال نفطر في مائدة رحمان الأشاره 000يووووووووووووووووه حاجات كتير في رمضان بتضايقنا ونتمني تنتهي 00عموما انا اتمني اعرف ايه اللي بيضايقك في رمضان ونفسك ينتهي مستنيه اعرف منك اوك

يلا سلام اشوفك امس يامعلم وكل رمضان وانت طيب

وحلو يا حلو رمضان كريم يا حلو 000000000


أمضاء :


أنا0000000000

Wednesday, September 12, 2007

ضجيج الصمت


صحيح أحنا بشر مش ملايكه0000بمعني أننا مش دايما صح ومش دايما غلط وساعات بنبقي صح وغلط في نفس الوقت000لكن مشاعرنا لو كانت هي السبب في الغلط اللي غلطناه بيبقي الألم اللي بنواجهه صعب أوووووووووووي فوق ما كنا نتصور لأن السبب فيه أجمل شئ بنملكه " مشاعرنا " عارف أنا بحس أن المشاعر هي أسمي شئ والكنز اللي بنملكه واللي كل واحد فينا شايله جواه بعييييييييييييييييييييييد عن الناس ويوم ما بيكشف عن الكنز ده بيكون لأنسان واحد بس هو اللي بيقدر يعدي كل الحواجز والخطوط الحمرا اللي كل واحد فينا حاطتها قدام مشاعره000000000000

عارف لو بتحب يبقي أنت عايش بجد 000عارفه انك بتقول ايه البت اللي عايشه في دور الحبيبه دي انما والله انا واقعيه جدا وانا بكلمك 000حقيقي في فرق لما تكون عايش لوحدك كده وخلاص انهارده زي بكره زي بعده 000وفرق بين انك تكون بتحب وبتتحب واليوم الواحد له الف معني 000



أمضاء :



أنا0000000000000

Saturday, September 8, 2007

الهروب الكبير


في لحظه وأنت قاعد مع نفسك بتفكر أكتشفت شئ خطيرجدا......................................

أكتشفت أنك هربت من كل مشاكلك وهربت حتي من نفسك , كنت دايما بتتباهي أنك بتواجه مشاكلك وبتحلها أنما المره دي أنت غريب أوووووووووووووووووي لدرجة أنك كسرت الرقم القياسي في اللامبالاه 00علشان كده أنت تستحق لقب 0000" الهارب الكبير ".........



أمضاء :


انا.............

Friday, September 7, 2007

رانديفو


...أما كان حته معاد جامد مووووووووز , اتنين عمري ما كنت اتصور أن اللقاء بينهم يكون تحفه بالشكل ده , عارف ليه لأن كل واحد فيهم مينفعش يظهر مع التاني في مكان واحد00 وكمان لأن واحد فيهم بيعتمد في ظهوره علي التاني فتقدر تقول عنده ظروفه اللي تمنعه أنه يظهر مع الأولاني في مكان واحد 0

بس سبحان الله القاء بينهم كان مجرد لحظه 00بس لحظه تسحر وتحول أي انسان لشاعر ولهان يكتب قصايد تلهب المشاعر0

بصراحه أنا لما شوفتهم مقدرتش أمسك نفسي بكيت وحسيت أني محرومه من أحاسيس كتير أوووووووي نفسي أعشها , وكمان في نفس اللحظه حسيت أني مالكه الدنيا وما فيها في اللحظه اللي شوفتهم بيتقابلوا فيها وبيحضنوا بعض بكل أشتياق وكل واحد فيهم بيسلم رسالته للتاني وبيقوله كمل أنت بقي عني شويه علشان الحياه تستمر0

ههههههههههههههههههههههههههه أنا بتكلم عن الشمس لما قابلت القمر في مكان عالي أسمه السما مزيناه النجوم الشقيه اللي منوره من بعيييييييييييييد دي .......!

بجد منظر هايعجبك أوووووووووووووي 00بص أدخل البلاكونه بتاعه بيتكم الساعه 6 الصبح وياريت تكون ساكن في دور عالي هاتشوف القمر واقف فارس همام وفجأه هاتشوف الوان الطيف اللي كنا بنرسمها في كراسه الرسم زماااااااااان والشمس كمان هاتلاقيها بتحضن القمر وصدقني المشهد ده هاينسيك الدنيا وما فيها يلا أحضر المعاد ده وأدعيلي بس أمانه عليك تقولي هاتحس بأيه 000أنا مستنيه اعرف

قشطاااااااااااااااااااااااااااااااااااااااااااااااااااااااااااااااااات

سلام واشوفك امس يامعلم




أمضاء:



انا00000000000000000000

Thursday, August 23, 2007

البلياتشو


.....سيرك كبير مليان بني أدمين منهم اللي بيلعب ومنهم اللي بيتلعب به , ومنهم أنا وانت اللي قاعدين بعيييييييييييييد بنتفرج ونسقف وبنضحك علي ناس بترسم البسمه علي شفايفنا وهما من جواهم بيداووا جروحهم بأبتسامتنا ...مش عارفين يضحكوا فقالوا يضحكونا احنا..وفي واحد جاي من بعيييييييييييييد والأضاءه مركزه عليه لابس لبس جميل , وشه بيضحك وعيونه مللونه , شعره منعكش صحيح بس لذيذ...بيعمل كل اللي يقدر عليه علشان يخليك تبتسم وفي كل مره بتشوفه بيبقي اخر انبساط لدرجه انك ممكن تسأل هو ايه مش عايش في دنيتنا ولا ايه ؟

بس اللي انت متعرفهوش ان صاحبنا اللي بنتكلم عنه ده ورا عيونه المللونه في دموع كتيييييييير من كترها مش بتبان بيخرج يقابلنا في السيرك بأبتسامه مجروحه بيحقق المعادله الصعبه بيبكي ويبتسم في نفس اللحظه " البلياتشو "....بس كل ده في السيرك الصغير ....اما بقي السيرك الكبير " الدنيا " في ناس مابيعرفوش انهم كانوا عايشين طول حياتهم بلياتشو غير بعد فوات الأوان...وناس مش عارفين هما اللي بيلعب ولا اللي بيتلعب به ....طب عمرك سألت نفسك الدنيا دي فيها كام بلياتشو ؟

طب عمرك سألت نفسك انت بلياتشو ولا لاء ؟؟؟...........................

انا بقي عارفه اني بلياتشو وده مش معناه السخريه لا بالعكس البلياتشو ده كائن رقيق اوووووووووووي...اصل احساسك بأنك اتنين في بعض واحد انت بس اللي عارفه والتاني الناس كلها عارفاه ده شئ ممتع ومؤلم في نفس الوقت بس شئ لذيذ.

عارف لما تبقي مجروح اووووووووووي من جواك ودموعك سابقه كلامك وبتتلهف علي لحظه بس تعيشها سعيد وتبتسم من قلبك ومش عارف .....ورغم كل ده ورغم مشاكلك ...وقت ما بتواجه الناس في السيرك الكبير " الدنيا " بترمي كل ده ورا ظهرك وتلبس البلياتشو وترسم ابتسامه علي شفايفك وكأنك اسعد واحد في العالم

بتخلي كل اللي حواليك بيبتسموا وانت كمان رغم كل جروحك ابتسامه اللي حواليك بتجبرك تخفي دموعك بين جفونك وتبتسم ...قلبك مشتاق بس بتحاول تحس الحب في نظره كل حبيب لحبيبه وكل اتنين بيتجمعوا بتلف حواليهم تبارك حبهم وتهديلهم ورده وكأنك بتهديها لحبيبك .

كل حضن اشتاقتله بتحسه لما تعمل حركه حلوه وطفل يترمي في حضن امه ساعتها بتحس كأنك ملكت الدنيا وما فيها.

كل لحظه حب اتمنتها بتشوفها بين اتنين سقفولك علي شقلبظات عملتها وعجبتهم.

حتي اللحظه اللي انت بتحلم بها انك تقف قدام الناس وتوصل احساسك وتقول انت مين ؟ بتتحقق وانت بلياتشو ..اه ما انت اهه واقف قدام الجمهور وبتقول كل اللي انت عايز تقوله حتي ولو بلغه الصمت ......هاتصدقني لو قولتلك اني بحب اوووووووووووي اكون بلياتشو.....ساعتها بس بعرف انا مين بجد وبلمس اللي بتمناه رغم انه بعييييييييييييد اوووووي بس بلمسه في الناس ...

يلا سلام اشوفك امس يامعلم



أمضاء :



بلياتشو........................

Thursday, July 5, 2007

أنت ع الهوا0000000000


ساعات كتير بحس أن الناس بقي عندها أربع حواس بس بدل 5 " البصر والشم واللمس والتذوق وبس " ونسيوا السمع 000كله بيتكلم ومبقاش حد بيسمع وحتي لو في حد بيسمع بيبقي بيسمع من هنا ويخرج من هنا ههههههههههه بيسمعلك تقضيه واجب وخلاص 00وبيبقي مش طايق نفسه وكأنه بيقولك لخص أختصر هو أنا ناقصك0

كله بيتكلم كله عايز يقولك هو مين وعمل ايه امبارح وانهارده وقابل مين وقاله ايه وايه هي مميزاته وعيوبه القليله اوووووووووي اللي تكاد لاتذكر وغيره دواليك0000000

وتيجي انت بقي علشان تتكلم تحس ان الجو اتغير وان اللي انت كنت لسه بتسمعله موده اتغير وأي كلمه انت بتقولها بيقلبها عليه هو ويرجع الكلام عليه من تاني ويتكلم عن نفسه وانت من ذوقك تسمعله من تاني 000, وتنسي نفسك وهكذا دواليك000000

تعرف انا بحس ان في كبت جوانا ومش عارفين نخرجه كل واحد فينا جواه بحور كلام كأنه كان ساكت طول عمره ونفسه تيجي اللحظه اللي حد يسمحله فيها بالكلام 00تحس كأنك عايز تعبر عنك , تقول انت مين وليه وايه اللي انت بتحس به ودموعك تنزل منك في لحظه تهزك من جواك بجد مش تمثيل ولا أستعطاف00كل واحد فينا نفسه يسمع ويتسمع انما الأنانيه بقي بتخلي ناس تتكلم علي حساب ناس تانيه وبيسرقوا منهم المايك 0

تعرف ان الواحد مننا من كتر مابيسمع للناس ومبقاش يتكلم بينسي الكلام وازاي يعبر عن نفسه 0000وده حقيقي أو تقدر تقول انه بينسي ازاي يرتب الكلام وازاي يعبر عن نفسه

ياااااااااااااااااااااااااااااااااااه عارف انا نفسي في ايه ؟؟؟؟0000000نفسي مره حد يقولي المايك اهه انتي ع الهوا اتكلمي قولي انتي مين ؟ قولي اللي انتي عايزه تقوليه يااااااااااااه بس ياتري ده ممكن يحصل ولا انا شطحت بخيالي لبعيييييييييييد ياتري في حد ممكن يسمعني بالعمق ده ويسمعك انت كمان بالعمق ده ؟؟

عموما ياسيدي خالينا نحلم هو الحلم بفلوس يعني ماتخافش لسه الأحلام ماتخصخصتش اقولك يلا نبدأ أنا وانت وأنا اللي بقولك اهه اتكلم قول اللي انت عايزه انت مين وليه وازاي ؟

انت معاك المايك انت ع الهوا ياريس سمعنا صوتك 00وصدقني هاسمعك بعمق بس توعدني انك كمان تسمعني 000ها وعد 0000

قشطات اشوفك امس بقي يامعلم سلالالالالالالالالالالالالالالالالالالالالالالالالام


أمضاء:


أنا0000000000000000000

Friday, June 29, 2007

بتحلم بأيه ؟


سؤال ممكن حد يسألهولك فجأه , وساعتها لو أنت مش عارف نفسك ومش عارف أنت عايز أيه ؟ وليه؟ وأزاي؟ هاتتبرجل ومش هاتعرف ترد وصدقني شكلك هايبقي وحش أوووووي 000أصل أسمحلي الواحد مننا لازم يبقي عنده حلم مش مهم هو أيه بس الأهم أنه يبقي موجود 000لازم يبقي جواك شئ بتتمناه وبتموت في أنتظاره ونفسك تشوفه متحقق قدامك وتلمسه بأيدك000 أصل الحلم ده هو الدليل أنك لسه موجود وأنك عايش000أنسان بلا حلم هو 00أنسان بلا هدف هو أنسان بلا وجود 000عايش وخلاص معندهوش عقل وملهوش دعوه بالمستقبل وبكره مش في جدوله 00باصص تحت رجله وبس 000أسمحلي يمكن يكون كلامي قاسي بس أصل الحلم يستاهل أني اقسي عليك لو أنت ماتملكهوش0

ههههههههه تعرف كنت بتكلم مع واحده صاحبتي عن الأحلام فقالتلي كلمه غريبه وبيني وبينك من أستحاله تحقيقها حسيت أنها في يوم من الأيام ممكن تكون واقع ملموس ما انت عارف زمانا ده مبقاش مضمون 000البت صاحبتي بقي قالت ايه ؟ الحقي احلمي يابنتي أو الحقي حافظي علي حلمك لحسن الأحلام هايخصخصوها هههههههههه فضحكت بس الكلمه مقدرتش أنساها 000وقولت لنفسي ياتري اللي معندهوش علم بالكلام ده وكمان مايملكش حلم عايش في الدنيا علشانه هايعمل ايه يوم ما الأحلام تتخصخص000ساعتها الحلم هايبقي بالشئ الفلاني وهايبقي خسر حاجات كتيييييييييييييييييييييييييييير سامحني أنا يمكن يكون خيالي واسع بس أصل الزمن ده مبقاش فيه مستحيل كله بقي ممكن وماتستبعدش أن الأحلام ممكن تتخصخص0000نصيحه مني أحلم علشان تعيش أحلم علشان أنا وغيري نقدر نقول أنك موجود أحلم ومش كده وبس حقق حلمك وساعتها أنت قبلنا هاتكون فخور بنفسك وبحلمك اللي لمسته بين أيديك 0000

صدقني مش مهم الحلم أيه المهم أنك تلمسه وخليك فاكر أن كل أنجاز في الدنيا في البدايه كان حلم 000ها أتفقنا أنك هاتحلم 000

أوك اسيبك بقي وأشوفك أمس يامعلم سلالالالالالالالالالالالالالالالام



أمضاء :


أنا 000000000

Thursday, June 21, 2007

لسه 00لسه هو انت شوفت من الدنيا حاجه00؟؟؟


كلمه أكيييييييد بتسمعها كتير لما تكون في أزمه والناس من حواليك عايزين يهونوا عليك الأزمه فبيقولولك 00ياعم ده أنت في مشكله بسيطه هو أنت لسه شوفت من الدنيا حاجه ده الدنيا فيها بلاوي ولسه ياما هانشوف 000وياما هاتدق ع الراس طبول وفي الحقيقه الكلمه دي بتاعتي وأنا مؤمنه بها اووووووووووووي0

بس في سؤال وهو بيفرض نفسه بصراحه 000هو صحيح لسه هانشوف من الدنيا أكتر من اللي شوفناه 000؟ يالهوووووووووووووووي

هانشوف أكتر من كده ايه 00: خيانه , غدر , غلي , حروب, ضرب وموت , مقالب , مبدأ المصلحه , موت القلوب, وغيره كتيييييييييييييييييييييير وكل واحد فينا عنده كتير من اللي شافه من الدنيا 000هههههههه وفي كل مره الناس تقولك ايه هو انت لسه شوفت حاجه ياعم جمد قلبك ههههههههه جمد قلبك وأشرب ديو0000

بس تعرف ساعات بحس فعلا أن رغم اللي ممكن يكون الواحد شافه وعاشه وأسي فيه في الدنيا لسه ياما هايشوف أكتر كل أزمه بدرس وكل جرح بدرس أكبر 000

وساعات بقول لنفسي يالهووووي هو أحنا هانشوف أكتر من كده ايه وأكيد طبعا اللي جاي أكتر وأشد بس ياتري هانستحمل ولا هاننكسر ومش هانعرف نقف من تاني ؟؟00000بس تعرف أنا عن نفسي أقوي مما تتصور في كل مره بقع فيها بتعلم درس جديد وفي كل مره بفوق أكتر وأعرف أنها أن دامت لغيرك ما وصلت لك هههههههههه أيه الكلام الكبير ده أنا حاسه أن عندي 50 سنه المهم000000000 لازم تعرف أن هي دي الحياه والوصول للقمه والتمييز طريق مش مفروش بالورود ومحتاج أنك تكون جامد اووووي

المهم أنت ايه اخبارك ؟ جامد ولا لاء؟

هاتستحمل اللي لسه هانشوفه من الدنيا ولا 0000؟

بص يامعلم خليك دايما فاكر أن ربنا قال في كتابه العزيز 000بسم الله الرحمن الرحيم "لقد خلقنا الأنسان في كبد " صدق الله العظيم

كبد يعني تعب ومشقه يعني لازم هانتعب ونتألم علشان نتعلم نقع ونقف من تاني 000ها مستعد ؟؟

ده انت لسه هاتشوف من الدنيا كتييييييييييييييير أنا عن نفسي مستعده وبقول هل من مزيد ؟!!!!0000

وبعدين أنا قولتلك ع اللي فيها ياما هاتدق ع الراس طبوووووووووووول أنت مش صعيدي ولا ايه 000اصل أنا اصولي صعايده وأنت عارف الصعايده بقي 000اسيبك بقي

وأشوفك أمس يامعلم سلالالالالالالالالالالالالالام



أمضاء :


أنا0000000000

Wednesday, May 30, 2007

مش عارف ليه ؟



يمكن أكون أنا أو مش أنا 00يمكن أفتكر ويمكن لا000

ساعات بفتكر حاجات وساعات انساها مش عارف ليه ؟ أو عارف بس بتعمد وبتناساها

في حاجات بتيجي في بالي ونفسي أكتبها أو أقولها لكن مقدرش أو بنساها مش عارف ليه ؟00000000

في صوره ممكن تفجر جوايا كلام كتير أووووووووي أقوي من أني حتي أتخيل أنه يجي في بالي 00وصوره تانيه أقف قدامها ساكت ونبقي أنا وهي أبناء الصمت لفتره طويله مش عارف ليه ؟

وأحيانا أنظر في الظلام فأري أشياء كثيره ومرات ثانيه أنظر في الظلام فلا أكاد أسمع أنفاسي0

أحيانا أخاف من الظلام وأحيانا أخري أشعر بأرتعاده مني ومن أرادتي0

أحيانا أبكي عندما أري ذكرياتي تمر أمام عيني من جديد 00وأخاف من أحساسي بالخوف 0

برضوا مش عارف ليه ؟

كل يوم ببتسم فيه بعشقه وبفتكره وبحفره في عقلي , وكل يوم بكيت فيه بفتكره أكثر وأكثر برضوا مش عارف ليه ؟

كل الأسئله اللي في دماغي قلبي بيقولي أن لها أجابه 00بس عقلي بيقولي خليك واقعي في اسئله متقدرش تجاوب عليها وفي اسئله أنت عارف أجابتها من البدايه فملهوش لازمه السؤال عنها لكن قلبي نفسه يرتاح 00برضوا مش عارف ليه ؟

أقولك أنا هاقوم أنام أحسن وأهه حل مؤقت بس برضوا مش عارف ليه ؟؟0000000

هل سأتذكر ؟؟؟0000000


...هل فعلا سأستطيع أم لن أملك القدره علي ذلك

عندما أفكر في الماضي أشعر بالخوف , ليس منه ولكن من محاوله التفكير فيه ..فهل أنا مستعده لها أم لا ؟ , وهل بالفعل أنا أملك ماضي لأفكر فيه ؟ وكم يبلغ عمري حتي أملك ماضي فأنا فتاه شابه في ال 20 من عمرها لاتملك سوي بعض الذكريات بعضها يبكي عيني كلما تذكرتها والبعض الأخر يرسم البسمه علي شفتي كلما رأيته يمر أمام عيني ..ولن أكذب أن قلت أن هناك بعض الذكريات لا هي بالحزينه ولا بالسعيده..لا أعلم هويتها وأيضا لا أرغب في تذكرها لذا سندعها جانبا ولن نتحدث عنها 0

أذا فهل هذه الذكريات تستحق أن أطلق عليها لفظ ماضي 000؟؟

لا أعرف ولكني كلما نظرت للوراء أشعر بالخوف هل هذا الشعور يصاحبك أنت أيضا أم لا ؟

أخشي أن يكون الماضي هو مهد الحاضر ونبؤة المستقبل 00أو أن يكون الماضي هو الجنه والمستقبل هو الجحيم المنتظر 00أتعرف كثيرا ما أحن للماضي بكل ما فيه أحن لكوني صغيره لم أكن أعرف الكثير عن ما يسمونه عالم البشر 00ولكني أيضا أعشق الحاضر وأستميت في أنتظار المستقبل 000ويظل السؤال هل سأتذكر ؟؟؟؟00000000


أمضاء :


أنا0000000000

Tuesday, May 29, 2007

بدون ترتيب00


عمرك فكرت تتكلم كده او تفكر في اي حاجه تيجي في بالك من غير تحضير وتخليها كده زي ماتيجي تيجي أيا كان اللي هاتتكلم فيه او ايا كان اللي هاتفكر فيه ولا بتخاف من كلامك ومن أفكارك 000يااااااااه تصدق فعلا المعليه صعبه اوووووووووي انك تكون تلقائي وبطبيعتك أو تقدر تقول عليها السهل الصعب 00انا ساعات كتير بتمني ارجع طفله الحياه في فتره الطفوله بسيطه وحلوه اووووووي هي دي المرحله اللي بتلمس فيها كل شئ بدون تفكير وبدون خوف ياااااااااااااه كنت بتبتسم وبتعيط وكل ده بدون وعي للحياه اللي جايه واللي هاتعيشها كنت طفل برئ كل حركه منك كانت انجاز وكل ابتسامه منك كانت اكتشاف يااااااااااااه انا بجد عايزه ارجع طفله 00بس تعرف اللي احلي من كده ايه ؟؟؟؟

عايز تعرف !!!!000000000000000

الأحلي انك تكون طفل من جواك وانت كبير يعني تبقي في رقه وحنان الطفل وبرائته والأجمل وده بالنسبه للبنت بالذات انها تحب راجل يكون هو ابنها وحبيبها وابوها واخوها والدنيا كلها تخيل لو هي حبته وكان ابن في سنها ياه دي هاتدلعه وهاتهنيه وتخليه اسعد راجل في الدنيا كلها 0

مش عارفه بس هو ده اللي جه في بالي افكر فيه دلوقتي 00ياتري انت كمان بتفكر في ايه دلوقتي او عايز تتكلم في ايه ؟؟؟

طب اسيبك بقي تقرر واكيد هاتقولي صح 0000

سلام واشوفك امس


أمضاء :


أنا 000000000000000000

Saturday, May 26, 2007

الأخر وأنا 00000000


لقد تأكدت أنه لا يوجد ما يسمي بالحوار بيننا وبين الأخر 00وهذا لعدة تجارب , وللأسف هذه أول مره أستخدم فيها أسلوب التعميم الأعمي الذي أكرهه والذي أنصح دائما بعدم أستخدامه 00ولكن هذه المره الوضع مختلف تماما فبالفعل خرجت بهذه النتيجه أنه لايوجد مايسمي بالحوار بيننا وبين الأخر0

فكلا منا متمسك برأيه مهما كان هذا الرأي , وان كان هناك حوار فهو ليس بالحوار بل مشاجره بين طرفين أو عدة أطراف كل منهم يحاول فرض رأيه علي الأخر0

الكل تحول الي متكلم ولم يعد هناك من يسمع وينصت لك فهذا العهد قد مضي , ومن كثرة من يتحدثون أصبح الكلام عباره عن طلاسم لا تستطيع فك شيفرتها لمعرفة مضمونها 00أي تحولت المناقشه والحوار الي تضييع وقت ليس ألا0

أصبح كل حوار عباره عن شد وجذب بين الطرفين وأصبح صاحب الفكر المختلف مجنون أو معاند ليس ألا00وينفض الطرف الثاني عنه أذا احس بصحة وجهة نظره فهو يخشي الأعتراف بهزيمته , أو يمارس أسلوب التمويه وهو تغيير موضوع المناقشه هذا أن أطلقنا عليها مناقشه من الأصل0

وسامحوني أن أطلقت عليها مشاجره بدلا من مناقشه 00والمرحله الأصعب هي المشاجره بين الكبار والصغار وهذا ما يطلقون عليه " صراع الأجيال " الذي لن ينتهي ولم يحسم ولن يحسم أبدا وهو أصعب خاصه أذا كان بين الأباء والأبناء فكلا منهم يدخل المشاجره وهو مستعد للنيل من الأخر وأقناعه بتغيير وجهة نظره 000ولكن المشاجره تنتهي دون أن تحسم 0

فالأباء يرون أن أبناءهم معاندون ويريدون فرض سيطرتهم فقط وأنهم تافهون لا يعرفون شيئا ولا يرغبون ولو لمره أن ينزلوا بعقولهم لعقول أولادهم ليعرفوا ما بها وماذا يخبئون ؟؟0

أما الأبناء فهم معتقدون أنهم المستقبل وهم كذلك بالفعل ولكنهم أنانيون في نظرتهم للمستقبل فهم يلغون الكبار حتي من الحاضر 00ويتمنون أن يفهمهم الأخر ويطلق لهم العنان ليعرف أنهم صانعوا المستقبل كل من حولهم يقول لهم انتم تافهون وفشله وليس لديكم هدف أو حلم , من انتم لكي تتحدثوا ؟ ومنذ متي وأصبح لكم رأي ؟ أنتم تسمعون فقط ولا تتحدثون !!! وهذا يكفي 0

هذا هو شكل المشاجره دائما وهكذا لن تحسم أبدا ونتائجها خطيره علي كل من الطرفين0

فكلا منهم يري أنه مقهور من الأخر ولكن سامحوني أن قلت أن الأبناء مقهورين بشكل أكبر وذلك لأن الأباء هم الكبار هم من يجب أن يسعي لفهم الأبناء وليس العكس , هم من يجب أن يسعي لفهم تطلعاتهم وأحلامهم هم من يجب أن ينزل بعقله لمستوي عقول أبنا ءهم ليحدث التفاهم0

أتسأل كثيرا لماذا لاتجلس أم مع أبنتها وتأخذ رأيها في أي شئ حتي وأن كان تافه وذلك لتدربها أن يكون لها رأي في المستقبل , وهل جلس أب يوما مع أبنه ليسأله ماهي أحلامك , ما هي تطلعاتك للمستقبل وكيف تري حياتك وكيف تخطط لها ؟؟؟0

بالطبع لالالالالالالالالا ولكن المعتاد هو الأتي : ماذا سنأكل اليوم وماذا سنشرب؟ كم تريد لمصاريف تعليمك ؟ هل أنهيت أمتحاناتك أم لا؟ هل نجحت أم لا؟ هل نام الأبنا ء؟ هل تريدون شيئا أخر غير اللنشون يا أبنا ء؟

وهكذا دواليك 0000000000

سامحوني أن قلت أننا من لغي الأنسان وأرتكبنا جريمه أفظع عندما ألغينا عقله وحولناه الي مجرد معده وكائن لا يسمع لايري لا يتكلم 000ششششششششششششششششششششششش

every thing u say can and will be taken aganist u so shut up shhhhhhhhhhhhhhhhhhhhhhhh.


أشوفك أمس سلالالالالالالالالالالالالالالالالالالام


أمضاء :


أنا 00000000000000

Saturday, May 12, 2007

حنظله000000




ياااااااااااااااااه اول مره شوفته فيها كنت فاكراه رسمه عاديه وكمان مكنتش اعرف ان له اسم انما لما عرفته حبيته اووووووي واكيد انت كمان لما تعرفه وتعرف مين اللي فتحله باب الحياه ولما تعرف ايه الدور اللي قام به واللي لسه بيقوم به هاتحبه اووووي00أنا ياسيدي بتكلم عن حنظله الشخصيه الكاريكتوريه اللي صنعها ناجي العلي الرسام الفلسطيني الرائع00انا لما قريت عنها حبيتها اووووي


هو طفل عنده 10سنين او هو عمره كده ومش هايكبر عن كده اسمه حنظله من المراره اللي بيعانيها كل طفل عربي وهو بيقول عن نفسه انه مش فلسطيني بيقول انه عربي وبس هو عربي ومش عايز اي جنسيه غير كده حنظله ده شخصيه رائعه ومعبره وانا حبيتها اوووووووي وهزتني كمان اووووووووووويلانه بيعبر عن كل طفل عربي ولأنه خلد شخصيه ناجي العلي بعد موته ياااااااااااااااااه وكمان حنظله معترض دايما ع الوضع العربي وعلي كل اللي ممكن يوجعني ويوجعك بجد انت هاتحبه زي ما انا حبيته ياريت تدخل ع الموقع ده وتشوف حنظله زوره ولو لمره واحده بس اتعرف عليه






ميرسي ياعسل انك استحملتني وانك هاتتعرف علي حنظله هو اكيييييييد مشتاق انه يتعرف عليك سلالالالالالالالالالالام اشوفك امس




أمضاء :




أنا 000

Sunday, May 6, 2007

حاجه نسيتها !!!!0000000


بصراحه هي حاجه أنا نسيتها بس واحده صاحبتي عزيزه عليا قالتلي عليها وفكرتني بها كان في موضوع شخصيات أثرت فيا انا نزلت صور بس من غير ما أقول كل شخصيه أثرت فيا أزاي 000فهي قالتلي أكتبي نبذه كده تحت كل صوره بس للأسف مينفعش أعيد الموضوع تاني بس قولت ملحوقه انا أعمل موضوع لوحده عن ازاي كل شخصيه أثرت فيا 00000000أوك دلوقتي ممكن نبدأ0

صلاح جاهين : يااااااااااااااه ده عمنا ,البساطه الحزن المتغلف بفرح قلب كياني لما قريت شعره لما تسمعه وهو بيقول " كل يوم أسمع فلان عذبوه اسرح في العراق والجزاير وأتوه , ما عجبش من اللي يطيق بجسمه العذاب وأعجب من اللي يطيق بأيده يعذب أخوه " 00ياه ولا لما يقولك "ياعندليب قول شكوتك واحكي علي بلوتك الغنوه مش هاتموتك أنما كتم الغنا هو اللي هايموتك " 0بصراحه هو صحي جوايا حاجات كتييييييير كنت فاكره انها ماتت من زمان هو اللي خلاني اعرف اننا مش بس نسخر من زمنا ده احنا نسخر حتي من نفسنا وكل ده واحنا بنبتسم الله يرحمك ياجاهين وعجبي000


عادل امام: ده بقي الزعيم اللي يعلمك ازاي تبتسم هز فيا معاني كتير يعرفك يعني ايه نجم يعني ايه تميز وسط ناس كتير ممكن تكون متميزه صحيح بس انت ممكن تكون افضلهم يعلمك ازاي تبقي محترف في مجالك رغم كبر سنك يعلمك ازاي تصنع تاريخ له افلام كتييييير علامات في السينما والمسرح ياااااااه زعيم بجد0

باتيستا : يالهوي ده حبيبي انا بمووووووت فيه علمني الطيبه وازاي وانت في وسط بيزنس ممكن يكون كل اللي فيه بيحاولوا يوصولوا بطرق غير شرعيه انك تقول لاء انا هاوصل بمجهودي وفعلا خلال سنتين كان بطل عالم في المصارعه الحره وطيب موووووت بس بصراحه اتصدمت وبرضوا اتبسطت لما عرفت انه متجوز وعنده ३ بنات بحبك ياباتيستا ०

السندريلا سعاد حسني : امممممممم اعتقد ان السندريلا مش عايزه كلام هي اللي علمتني الرومانسيه والأنوثه وهي الدلع كله يعني يوم ماهاتعامل مع زوج المستقبل هاكون مستعده اتم الأستعداد عايزه أقوله ماتخافش بجد السندريلا جامده مووووووت انا بحبلها فيلم الزوجه الثانيه اووي وفيلم شفيقه ومتولي مع الجامد احمد زكي


محمد منير : ده بقي بصراحه انا مكنتش بحبه زماااااااان بس لما ابتديت انضف ودني شويه وابتديت اسمعه بعمق اتعلمت منه يعني ايه فن يعني ايه انك تكون خارج عن المألوف ولو مش مصدقني شوف ايه اللي كل الناس بتغنيه وايه اللي منير بيغنيه 00نصيحه مني اسمعله اغنيه " حدوته مصريه " 00وأغنيه طفي النور يابهيه 00من البومه الجديد بتاع २००७॥

ابطال فيلم أوقات فراغ : دول بقي انا بموووووووووووت فيهم اصلا وبالذات كريم قاسم اللي عامل دور عمرو هما اللي علموني او أكدولي ان الشباب قد ايه مظلومين اونهم بيعيشوا في عالم اتفرض عليهم هما صحيح كانوا بايظين وبيعملوا حاجات كتييير غلط بس فين الأهتمام اللي ممكن يعرفهم الغلط من الصح عموما هما ادوني درس جامد في الحياه ०

أنتوني بانديرز : ده نجم السينما اللي مالهوش منافس يعلمك ازاي تعيش وتتقمس الشخصيه اللي قدامك كأنها انت هو اللي علمني ازاي افكر كويس قبل ما أخوض في حاجه هو كمان اللي سقفتله اووي في فيلم المحارب الثالث عشر وقناع زورو ०

تامر حسني : علمني يعني ايه احساس 00يمكن تكون بتقول ايه البت العبيطه دي لا والله تامر حسني عمرو دياب القادم وانا اهه وانتم اهه لو اللي بقوله محصلش وبعدين مغني متميز ०

شيرين احمد : صحيح في ناس بتقول انها مغروره بس برضوا عرفتني ان النجاح له اعداؤه وانك تكون متميز ده بيسبب الم لناس كتيييييييير ०

بيكاسو : علمني الفن 00وانا عامله زيه في حاجه اني مش بنام كتير بس هو بقي عمره كان قصير لأنه مكنش بيناماصلا بس هو مبدع ०

عمرو خالد : انا بحبه اووووووووي بس بصراحه حاليا مابقتش اسمعله لأنه مابيظهرش كتييييييير بس بجد هو علامه في حياتي وبحب اسلوبه في الدعوه وكمان مشروعه صناع الحياه حرك فيا معاني كتير واداني دفعه قويه ربنا يكرمه0

فضل شاكر : علمني احب ازاي ودي كفايه ०

ميل جيبسون : علمني انك ممكن تكون محترف في اكتر من مجال في نفس الوقت علمني ازاي ادافع عن ديني بكل ما أملك حتي بفني 00هو مسيحي متعصب وبيدافع عن دينه في افلامه وهو مخرج وممثل وكان في فيلم براف هارت المخرج والممثل انا بحبه اوووووي0

جون ترافولتا: امممممم ده جان وساحر نساء كتير انا عن نفسي بمووووت فيه واتمني ان حبيبي وجوزي يكون زيه هو بقي ملك التمثيل اللي يبكيك ويخليك تبتسم في نفس اللحظه انا بحبله فيلم فاس اوف0

كريم عبد العزيز : هو علمني اني مهما الدنيا قالتلك انت غلط اعرف انك صح واللي يقولك كده ترد عليه وتقول " نحن نختلف عن الأخرون خااااااااااالص" وان المهنه بتاعتك كل ماتديها تديك ०

نيكولاس كادج: هههههههه ده بقي زي القمر وله افلام كتير بحبها فنه بصراحه رائع سقفتله كتير لما هز مشاعري في فيلم كون اير وفي فيلم فاس اوف كان شرير درجه اولي بجد يعلمك يعني ايه ابداع في الفن ०

روجدي أباظه : دونجوان السينما المصريه 00علمني ابتسم ازاي ابتسامه تسحر اللي حواليا علمني ازاي اختار اللي احبه واللي اكون ليه انا بجد بحبه اووووووووي0

أحمد حلمي : نجم الكوميديا القادم علمني اني اعرف اني طالما واثقه في حلمي هاوصل يعني هاوصل مهما طاااااااال الزمن ०

محمد صبحي : ياااه ده بقي مش عارفه اقولك ايه ولا ايه اقولك علمني ازاي احترم ذاتي واتمسك بقضيه وطني واعبر عن نفسي بقلمي واني اكون مختلفه واني اعدد مواهبي يااااااااه كتير كتير انا بحبله اووي مسلسل فارس بلا جواد ومسرحيه سكه السلامه २०००।

ايدي جاريرو : مصارع تفكيره عالي اوووي الله يرحمه بقي والله سايب فراغ كبير اووي في حياتي انا كنت بحبه اووي ومازلت كان اكبر مراوغ وبيعرف ازاي يكسب الماتش بأي طريقه كان عمره ماييأس علمني اني اخد اللي انا عايزاه من بق الأسد0

دايفيد شويمر : ده ممثل في مسلسل فريندز اكييد عارفينه هو بقي اموووووور جدا جدا ورسم الأبتسامه علي شفايفي كتير وانا اللي بيخليني ابتسم ولو مره بعشقه وبيعلم في حياتي0

الدي اكس " تريبل اتش وشون مايكل : دول علموني معني المراوغه والصداقه ياااااااه ضحكوني كتييييير وعلموني ازاي اعشق مجال ما مهما عمل فيا ومهما الناس فيه كانوا مش عايزني بس طالما انا عايزه مش مهم لازم استحمل مفيش حاجه بالساهل0

جيفارا : اكيييييييييد انت عارفه صح اولا هو وشه حلو عليا اووي ذكري عيد ميلاده كان اول يوم ينزلي حاجه في جرنال الدستور وكمان انا حبيته اوووووي لآنه علمني ان ممكن تكون مرتب انك تعيش حياه معينه وفجأه تلاقي الحياه رسمالك حاجه تانيه خاااااااالص علمني يعني ايه ثوري بغض النظر عن انه شيوعي او اي حاجه تانيه بس كان أنسان عنده هدف0

عبد الناصر جيفارا العرب: انا بقي بمووووووووت في عبد الناصر بمعني الكلمه علي فكره هو فارس احلامي او انا بتمني ان فارس احلامي يكون زيه انسان عنده هدف كان عايش علشان العروبه والوحده هو اللي رفع رأس المصريين بغض النظر عن المساوئ بتاعته عادي ما هو بشر مش ملاك بس يوم جنازته كانت السبب في حبي ليه انا شوفت الناس كلها خارجه يوم جنازته ازاي واحد كل الناس دي بتحبه انا محبهوش0

حسن نصر الله : اممممممم انا بحبه برضوا لأنه علمني أن قوه الأيمان تصنع المعجزات وعلمني ان مع الوقت والتخطيط تقدر تنول اللي بتتمناه واللي غيرك ياما قال عنه ولسه بيقول انه مستحيل0

أحمد زكي: حرباء السينما المصريه هكذا قالوا عنه 00فنان يستحق هذه الكلمه بكل ماتحملها من معاني الله يرحمه صحيح اتقال عنه كلام كتيير انه بيسكر وبتاع وكده بس في فنه كان مبدع علمني الصدق في الأحساس علمني ازاي بقدراتي ابهر كل الناس من حواليا 00بحبله فيلم السادات وجمال عبد الناصر ومعالي الوزير والمدمن ०

ستون كولد ستيف اوستن : واووووووووو ده بقي نجم علمني انه في بعض الأحيان بتضطر انك مايكونش لك صديق غير نفسك وبس وانك تكون غير كل اللي حواليك وانك تكون مع نفسك كده ومايهمكش حد وان مايكونش لك عزيز ولا غالي اذا الناس اضطروك لكده وهو علي فكره اللي حببني في المصارعه ०

محمد الشرقاوي : علم في حياتي بشكل فظيع ده شاب عادي بس قصته فظيعه تعلمك بلالالالالالالالالاوي هو تم اغتصابه في السجن ساعه هوجه المظاهرات وكفايه وبتاع وساعه موضوع القضاه تم اغتصابه في السجن وكده واتشتم واتبهدل بس لسه عنده هدف وماندمش علي اللي عمله لأنه عارف انه اللي جواه يستاهل ०


يارب يكون كلامي فيه منه فايده وتتعلموا منه حاجه او يكون اللي اتعلمته من الناس دي يعجبكوا انا بصراحه بحبهم وبتعلم منه لغايه دلوقتي

ويزيد عليهم امي اللي ربنا يخليهالي يااااااارب وصاحبتي الهام هي اصغر مني بس عفريته 00ومروه اختي الأموره ام دودي ربنا يخليهولها 00يارب يعجبكوا الموضوع وميرسي ياشيري فكرتك هايله يارب بس لما تشوفيها حقيقه تعجبك00


سلالالالالالام اشوفكم أمس ००


أمضاء :


أنا0

أحلم علي قدك


" أحلم علي قدك " أشعر بضيق عندما أسمع هذه الكلمه تتكرر كثيرا في مجتمعنا المصري , ولا أعرف لماذا أصبحت تسيطر علي تفكير العديد من الشباب مما يجعلهم غير قادرين حتي علي الحلم 0

فلماذا نضع لحلمنا سقف ونخاف أن نتعداه رغم أن الحلم هو طريقنا الوحيد لتحقيق كل ما هو مستحيل ؟0

يكفي أن تتأمل معي العديد من الأمثله العربيه التي لا تخلوا ابدا من نماذج محبطه وغير مشجعه علي الحلم , فهناك من يقول لك " كل برغوت علي قد دمه " وهناك من يصر " ان تمد لحافك علي قد رجليك " بينما ستجد من يؤكد لك " ان اللي يبص لفوق يتعب " وهي كما تري أمثال محبطه أنصحك ألا تعمل بها , والا ستظل واقفا مكانك دون نجاح أو تميز ००
لماذا لا نستبدل هذه الأمثال بحكم أخري يمكن ان تعلمنا كيف نحلم ونحلم بدون حدود ؟ فأنا مثلا تعلمت في حياتي أنه يجب ألا تقيس نفسك بما أنجزت حتي الأن , ولكن بما يجب أن تحقق مقارنه بقدراتك0

تعلمت أيضا أن الناجحين يتخذون قرارتهم بسرعه ويغيرونها ببطء , أما الفاشلون هم من يتخذونها ببطء ويغيرونها بسرعه0

ولا تنس عزيزي القارئ أن كل مانراه عظيما في الحياه بدأ بفكره ومن بدايه صغيره ०

واذا أردت أن تنجح في حياتك فيجب أن تقنع الناس أن التنافس مع الذات هو أفضل تنافس في العالم , وكما تنافس الأنسان مع نفسه كلما تطور , بحيث لا يكون اليوم كما كان بالأمس ولا يكون غدا كما كان اليوم ०

أتمني لكم أحلام بلا حدود ०

في النهايه هاقولكم مجرد كلمه : تعلمت أنه أكثر اللحظات سعاده هي عندما تحقق أشياء يقول عنها الناس أنك لا تستطيع تحقيقها ०


دي ياجماعه كلمه لمنال المهدي مديره مجله كلمتنا وعجبتني اووووووي لأني اصلا من قبل ما أقرئها وانا مؤمنه بها بس لما قريتها زاد ايماني بها واتأكدت اني اللي جوايا صح

أنا بحس او أقدر أقول اني مؤمنه ان الأحلام ملهاش سقف انت تقدر تبعد بأحلامك لبعييييييييييييييييييييييييد من غير ماتقولها انتي رايحه فين وليه وازاي ؟

انت احلامك ملهاش سقف وملهاش حدود احلم علشان تتأكد انك عايش أحلم واسعي دايما انك تحقق حلمك أحلم ده الحلم تمهيد للواقع

هههههههههههههههههه انتوا نمتوا مني ولا ايه ؟ طيب

سلالالالالالالالالالالالالالالاحف بقي واشوفكم في الحلم الجاي


أمضاء :

أنا 0