ياتري بتحب ؟...سؤال غريب مش كده عارفه انك هاترد وتقول طبعا بحب ماما وبابا وأخواتي واكيد كمان الوطن ,بس مش هو ده اللي أنا اقصده أصحي يامعلم وأفهم التيته أنا أقصد أن الكائن اللي انت حابسه بين ضلوعك ده لازم ينحرر من قيودك وينطلق لدنيا الحب ويعيش ويتنفس هوا الحريه ..الحب ده طعمه جميل مووووت بس لازم أختيارك يكون في محله لأن زيي الحب ما بيحيي القلوب ساعات كتييييييير بيموتها وبيموت أصحابها كمان فلازم تاخد بالك وانت بتختار اللي تحبه.......طيب بما اننا أتفقنا أننا لازم نحب أسمع الكلمتين دول......
مش عارف تتكلم عقلك واقف مش قادر تقاوم أنشغالك به صورته دايما في خيالك بتسأل نفسك ياتري هو فين؟ وايه اللي بعده عني هو ليه مش بيكلمني؟ليه مش بيسأل فيا ياتري عملتله أيه؟
كل الأفكار دي بتقودك لمعني واحد بس هو ان في حاجه حركت قلبك..أيوه قلبك الكائن اللي أنت حابسه بين ضلوعك بدأ يتحرر من قيودك ويتنفس من جديد ..كل ده معناه ان قلبك مش قادر يقاوم كل المحاولات دي اللي الطرف التاني مستمر فيها علشان يوقعك في شباك حبه ...
بس هو فين ده حتي مش سأل فيا ولا بكلمه ..طب اعمل أيه اتنازل عن كرامتي وأسأل أنا عنه بس عقلك بيقولك انا معملتلهوش حاجه ياتري زعلان مني ليه؟ وقلبك يرد ويقول مش يمكن تعبان وعايز يعرف غلاوته عندي لالا قلبك مش مطاوعك أصل الطرف التاني برضوا مش غبي وأكيد عايز يتأكد من وقوعك في شباك حبه وانت كمان نفسك تقوله انك خلاص وقعت في حبه بس انت مش ممكن تقوله انك بتحبه الا اذا هو قالها الأول ساعتها تقدر تقوله بحبك وتصرحله بمشاعرك اللي كنت دافنها سنين طويله اصلك كنت مستني الشخص اللي يستاهلها قلب تحس معاه بالدفا والأمان قلب وانت معاه تبقي مش شايف غيره ساعتها تقدر تقوله بص ياحبيبي أنا حافظت علي قلبي طول السنين اللي فاتت ملك علي عرشه رغم كل المحاولات المستميته لعزله وانا دلوقتي بسلمك بكل رضايا عرش قلبي اللي حافظت عليه علشانك.....
امضاء ....
انا
No comments:
Post a Comment