ساعات كتير تحس أن في حاجات بتحصل حواليك يمكن تكون لأشخاص غيرك بس في الحقيقه هي رساله لك علشان تنبهك من شيء عايز تعمله وخايف أو متردد أوتشجعك علي شيء نفسك تعمله وخايف تجرب وتدوس في الحياه وتتعلم...في ناس مننا بتاخد بالها من الحاجات دي وناس تانيه مبتشوفش رغم ان النور مش قاطع ولا هما عمي ولاحاجه بس عارف ليه ؟ أصلهم بيموتوا في الطناش وعايشين كل حياتهم بيقولوا كلمه واحده بس " ياعم كبر " بس صدقني بعد وقوع المصيبه وقت الندم بيكون خلاص فات وأحساس الواحد فيهم ساعتها بيبقي لايوصف ..علشان كده لازم أقولك خد بالك لو أنت عايز تعمل حاجه او علي وشك انك تاخد قرار مهم في حياتك فكر كويس ولاحظ الدنيا من حواليك شوف الرسايل اللي بتتبعتلك من تجارب اللي حواليك هي اللي هاتقولك وتأكدلك اذا كنت صح ولا غلط والقرار في النهايه لك أنت وبس هاا فاهم ولا اعيد تاني وخليك دايما فاكر الحكمه دي ......." الأذكياء هم من يتخذون قراراتهم بسرعه ويغيرونها ببطيء ,والأغبياء هم من يتخذون قراراتهم ببطيء ويغيرونها بسرعه"..سلام يامعلم أشوفك أمس.
أنا
No comments:
Post a Comment