جمال عبد الناصر"جيفارا العرب "....ياااااااااااه ايه اللي ممكن تقوله عيله زيي في أسطوره زيك تعرف ساعات كتييييييير بقف ساكته قدام صورتك بحس اني مش عارفه اتكلم مش عارفه احكي ولا حتي اتنفس انت بجد فارس واسطوره جامده مووووووووووت ..عايزه احكيلك شويه عن حكايتي معاك ممكن ......انا مكنتش اعرفك ولا كنت بحبك ولا بكرهك بس في حاجه حولتني من جاهله بك الي عاشقه ولهانه بتدوب في حبك ..اول مره شوفت فيها جنازتك وقد ايه الناس كانت بتعشق جمال عبد الناصر رمز العروبه ياااااااه مقدرتش اقاوم قلبي اللي حبك وفضلت اعرفك اكتر واكتر أقرا عنك اشتاق لأي كلمه عنك حتي لو كانت صغيره او سمعتها قبل كده مش مهم بقيت بحب اسمع صوتك وأشوفك كنت بتتكلم ازاي ...في ناس كتييير بتقول انك كنت ديكتاتور و ان عهدك كان في عيوب وده طبيعي لآنك مش ملاك وكان في تعليق للفنان محمد صبحي اعتقد انه رد كافي علي الكلام ده والتليق ده بيقول "صحيح في ناس كتييييير دخلوا سجون عبد الناصر واتعذبوا بس خرجوا بيحترموه لأنه كان عنده هدف وحلم ..الوحد العربيه "...كان تعليق هزني انا شخصيا حسيت قد أيه انت لسه في قلوب ناس كتيير لحد دلوقتي في ذكري وفاتك بلاد عربيه كتير بتحييها الناس بتخرج في الشوارع تنادي عليك وتهتف بأسمك انت لسه في قلوبنا ياعبد الناصر انما حلمك ماوعدكش الحلم اتحول لكابوس.....تعرف انا صحيح بلعن اليوم اللي مسك فيه العسكر مصر بس برضوا بحبك مووووووووووووت انت اجمل راجل شوفته بيدخن رغم وللعلم أنا أكتر حاجه بكرهها في حياتي هي السجاير بس اعمل ايه بحبك.....انا نفسي أوي أتجوز واحد زيك عايش علشان هدف مش شرط يكون هدف سياسي المهم يكون عنده هدف مش مهم هو ايه واحد يكون راجل بجد محبوب من الصغير قبل الكبير قد المسئوليه سمعته سبقاه حتي بعد مماته .انا عارفه اني مش هاقدر مهما اتكلمت اوفيك حقك يابطل ولاهاقدر أوصلك أحساسي انا جويا اكتر من كده بكتيييييييييير بس يارب تكون فهمتنيياااااااااااااااااااااارب وأخيرا رحمك الله يا " جيفارا العرب".
No comments:
Post a Comment