مش عارفه ....
محتاجه بشده أسمعه
ياريت الزمن من تاني بقلبي يجمعه
وساعتها هاسمعه, والله هادلعه
مشتاقه ليه وبغيير عليه
ساعات كتير من شوقي ليه
اسرح بخيالي وانادي عليه
** **
ولا حد غيره رسم ضحكتي
ولا حد غيره سبب دمعتي
حرك اللي جوايا بقي جزء من حشايا
كان معايا وعارف كل النوايا كل الخبايا
قالها بحبك ..رديت عشقتك
كانت ملاوعه ومع أنفاسه طالعه كلمة كرهتك
أيوه كرهتك من كتر طيبتك
رغم إنه المحال..سأل السؤال
معقوله حبك كان كده ؟؟
عشق وغرام بالشكل ده !!
ما أستهلش أنا منك كل ده
حسيتها منه رديت عليه
طب ليه كل ده ؟؟
** **
لك ألف حق ..يا قلب دق وشاف ورق
بعيونه شق كل الطرق وساب وأفترق
عن قلب كان له حلم وأتخنق
كنت حلم ياما حاربت ألمسه
فستان جوه فاترينا حلمت ألبسه
عصفور جميل نفسي أحبسه
** **
وبرضوا مش عارفه
محتاجه بشده أسمعه
من تاني وألمحه
ياريت الزمن بقلبي يجمعه
أنا بس أشوفوه والله لأدلعه
إمضاء :
نـــــــــــاهد سمير
No comments:
Post a Comment