عمري ...قصير
عمري قصير
مهما أتغير برضوا
أنا فرع جوه الشجره
مسيره يدوب
... ...
طفل صغير
في عيونه تدوب
وتلاقي دبدوب
تلعب بيه
تنادي عليه
تحسه قصير
توطي عليه
أيوه حبيبي وزعلان ليه؟
يرد يقول :
عمري قصير مهما أتغير
برضوا أنا فرع
جوه الشجره
مسيره يدوب
... ...
عرفت كتير
قابلت كتير
ومشيت مشاوير
عيون تناديني
قلوب تشاورلي
أيدين تلمسني
وعمري ما أدوب
وأعمل أيه ؟
جوايا سعيد
جوايا حزين
لا مش عارف
من نظرة عين
تلاقيني بكيت
واقف ولوحدي
جمب الحيط
أقوله حرام
ده يبقي كلام ؟
أكون أنسان
يقول نسيان
وأهو عمر وفات
وبسرعه هابيع
وأعمل أيه ؟
ما أنا عمري قصير
مهما أتغير
برضوا أنا فرع
جوه الشجره
مسيره يدوب
... ...
تقول ده حرام
تلاقي أقلام
تكتب علي وشك
لا ده حلال
يردوا بصوت
ويقولوا يا سلااااام
أنت عبيط ؟
تشاور ليه
وتقول طب ليه؟
يرد يقول :
أيوه أستحمل
مين قالك
تعيش في الدور
وتعمل أنك طفل صغير
بص هاقولك
خاليه جواك
عايش ساكت
يجري ويلعب
بص وشوف
نظره بعيده
أهي جايه عليك
سهم بيرشق بين ضلعيك
... ...
وتقول ده حرام
طب أعمل أيه ؟
ماهو عمري قصير
مهما أتغير
برضوا أنا فرع
جوه الشجره مسيره يدوب
ع الأرض ويسقط
زي أخواته
ويدوسوا عليه
وهاقولك ليه؟
أيوه أنا وأنت
مره زمااااااااان
قعدنا في قعده
وقولنا كلام
وعشنا تمام
وجوه منام
شوفنا الحلم
وفسرناه
وعرفنا ده أيه ؟
أن الدنيا
يومين ويعدوا
وبرضوا طلعت
أنا عمري قصير
مهما أتغير
برضوا أنا فرع
جوه الشجره
مسيره يدوب
عمري قصير...........
أمضاء: أسطووووووره
4 comments:
حلوه اوي اوي
ملحقتش اعلق عليها هناك قلت الحقها هنا
ميرسي يا أبو العبدين
صدقني وبدون مجامله
انا كفايه عندي ان اصدقائي والناس اللي بحترمهم وبيقرولي وبيدوني من وقتهم
انهم بس عينهم تقع علي موضوعي حتي لو بدون تعليق
ميرسي يا أبو عريسي
جميلة اوي اوي ربنا يحيمكي بجد ياه اد ايه انا حسيت بمعاني كلماتها
reham
انا كمان بحسها كل لما بقراها لدرجه اني والله ساعات بحس ان مش انا اللي كتبتها
Post a Comment