مصر أيله للسقوط

في الأفلام زمان كان رجال الأعمال بيعلوا عمارات بدعوه منهم قال أيه لحل مشكلة السكن , وكنا بنسمع ألقاب كتير للعمارات دي زي مساكن الشباب وغيرها وفجأه بعد ما العماره تطلع لفووووووق اوي ويسكنها الشعب اللي هو أنا وحضرتك تقع العمارات فجأه واحنا جواها ..وكأنك راكب قطر الموت اللي بيرميك فجأه لفووووووووووق وهوب ينزلك أسفل السافلين......

وأسباب وقوع العمارات في الأفلام دايما برضوا أولها ان المقاول حرامي سرق المونه والأسمنت والحديد وعلا أدوار فوق طاقة العماره وكان ده طبعا سبب وقوعها ...طب سؤال الناس اللي دفعت فلوس علشان تسكن في شقه ناقصه حديد وأسمنت دي ذنبها أيه؟؟؟؟

كترت أوووووي في الفتره الأخيره حوادث وقوع العمارات علي اصحابها وضياع أرواح ناس كتير ملهاش ذنب غير انها عايزه أربع حيطان يحموها ومصر في الفتره الأخيره دي كترت فيها الحوادث دي بشكل يغيظ وكلها ورا بعضها وكأنها جرس انذار بيقول لمصر خالي بالك من عماراتك يا قاهره لأهلك حاليا بعد ما كنتي قاهره لأعدائك

خد عندك مثلا عمارة لوران أسكندريه اللي وجعت قلوبنا علي ضحاياها ومن بعدها عماره 3 أدوار في العجوزه ,وقوع عمارتين في لقصروطبعا العمارات دي غير صالحه للأستخدام الآدمي ويوم الأثنين 4\2\2008 وقعت عمارتين في بولاق الدكرور وأتصدعت 4 بيوت حواليهم.

كل ده يطرح سؤال جواك ها عارف هو أيه؟؟؟

حتي أن مساكن الأيواء اللي المفروض الناس تسكن فيها بدل عماراتهم اللي وقعت والمساكن دي زي ما انت عارف في مانشية ناصر بالقاهره هي كمان علي وشك الوقوع صباح الفل.

طب هي وزارة الأسكان فين من كل ده أاااااااااااااااااااااااااااه دي الوزاره نايمه خخخخخخخخخخخخخخخ

شششششششششش بلاش دوشه كده هاتصحيها أقولك احنا نكتب شكوي بس أوعي تكتب فيها كلمة لا لحسن يودوك المجاري زي جورج سيدهم في مسرحية المتزوجون

أحنا نكتب فيها اللي هاقولك عليه ده

المرسل : أنا وطني بنشد وبطنطن واتباها بمجدك يا وطنطن

الرساله : هي مصر أيله للسقوط ولا أيه ؟؟

كلمتين شكر بقي

كله تمام يا ريس...كله تمام يا حكومه...كله تمام التمام يا بلدنا

أمضاء:

أسطوووووووووره